Casalderrey, Fina (2002). O avó é sabio. Ilust.López Domínguez, Xan. Barcelona: Combel, col.Trote, [24pp]. (ISBN:84- 7864-668-X).
Breve descrición do formato e contido: o avó é sabio é un álbum ilustrado de tapa dura.
Na cuberta atopamos a imaxe dun dos protagonistas rodeado de xoguetes. Ao abrir o libro vemos as gardas as cales teñen que ver coa colección “al trote” e por iso o debuxo que aparece nelas é a dun cabalo. As páxinas están cosidas, a letra é de tamaño adecuado para a lectura dos rapaces e son de cor negra. Sempre atopamos o texto na páxina esquerda e a ilustración na dereita. As imaxes son realistas, de cores cálidas e vivas que crean un ambiente familiar e afectivo. Neste conto ao igual ca no de “la abuela tiene una medicina” aparece en todas as páxinas un coello que non aparece reflexado na historia e acompaña aos protagonistas sempre. Ás veces non aparece o coello enteiro senón as súas orellas ou o seu rabo, pero sempre está presente. O texto complementa ás ilustracións co cal ambas gardan coherencia e relación facendo que a historia teña sentido. Os protagonistas que aparecen son: o avó Pepe e os seus netos Rocío, Noema, Marcos e David. O conto trata a historia deses nenos que teñen o seu avó e sempre os saca dos problemas que teñen, e por iso cren que teñen o mellor avó do mundo.
Potencialidades educativas: é un conto co que se pode traballar a afectividade, a relación coa familia e o respecto. Adecuado para nenos entre 3 e 5 anos coa que se pode traballar o tema da familia ou o día dos avós.
Recursos de interés:
-Autobiografía,fototeca, videoteca e obras da autora Fina casalderrey:
http://www.aelg.org/centro-documentacion/autores-as/fina-casalderrey (consultado o 2/3/2018)
- A figura dos avós na narrativa infantil de Fina Casalderrey https://cursos.faitic.uvigo.es/tema1718/claroline/document/goto/index.php/BLOG_SELECCIONS_LECTORAS/MATERIAS_DE_APOIO_E_RECURSOS_SOBRE_LIX-_GU%CDAS%2C_CAT%C1LOGOS%2C_PROPOSTA_EDUCATIVAS%2C_ACTIVIDADES/Bibliografia_de_consulta_la_familia_en_la_literatura_infantil_y_juvenil_anilij.pdf?cidReq=O05G110V01404 ( páxinas: 239-246) (consultado o 19/03/2018)
Ningún comentario:
Publicar un comentario