Amosando publicacións coa etiqueta Cores.. Amosar todas as publicacións
Amosando publicacións coa etiqueta Cores.. Amosar todas as publicacións

domingo, 6 de maio de 2018

Gato Vermello, Gato Azul



Desmond, Jenni (2013), Gato Vermello, Gato azul, trad. Rafa Salgueiro, Ilust. do autor. Madrid: Lata de Sal Editorial, [36 pp.]. (ISBN: 978-84-941136-6-6).

Breve descrición do formato e contido: álbum ilustrado cun formato rectangular (21,6cm x 28cm). A cuberta e contracuberta é de cartón duro o que favorece a manipulación e experimentación por parte dos nenos e nenas. A cuberta amosa aos dous personaxes principais realizando unha acción que nos suxire a trama da historia (dous gatos estanse dando as costas... ¿por que será?). As imaxes aparecen sempre sobre un fondo branco o que destaca as ilustración que ademais semellan estar pintadas con acuarelas e outras con ceras de cores.
A historia trata sobre dous gatos que vivían na mesma casa. Gato Azul estaba arriba e Gato Vermello abaixo. Cada vez que se vían nada bo ocorría, non se levaban nada ben. Pero ningún dos dous coñecía o segredo inconfesable do outro. Gato Vermello desexaba ser tan intelixente coma Gato Azul e Gato Azul soñaba con ser tan áxil coma Gato Vermello. Pensaron que a solución sería volverse da cor do outro, probaron a comer alimentos, por roupa ou incluso tinguirse para cambiar de cor e ser como o outro, pero nada funcionaba. Pouco a pouco fóronse entendendo e axudándose o un ao outro, e por fin realizaban todo tipo de cousas rápidas, áxiles e intelixentes... sen decatarse de que se fixeran amigos sen querelo!

Potencialidades educativas: este libro sérvenos para que os nenos e nenas sintan curiosidade por coñecer máis sobre os gatos. É unha interesante historia para traballar o valor da amizade cos nenos/as xa que non sempre desde o principio conxeniamos con todo o mundo, pero en moitas ocasións, se coñecemos un pouco máis á outra persoa é posible que vexamos que temos moitas cousas en común con ela, ou incluso cousas que podemos aprender os uns dos outros, como ocorre neste libro. Outro aspecto a destacar é o tema da autoestima, xa que nesta idades xa comeza a ter un certo peso, por iso como mestres debemos potenciar a autoestima dos nosos alumnos e facerlles ver o ben que senta cando nos din cousas positivas e por iso tamén é importante saberllas dicir ao nosos compañeiros/as. Outro tema é a felicidade, presente no libro, xa que ámbolos dous protagonistas están a procura dela. É un fermoso tema para traballar con eles, podemos facer na asemblea un pequeno debate de que é para eles a felicidade. Así, poderán observar que a felicidade é moitas cousas distintas e sobre todo... para cada quen ten unha concepción distinta. Por último, o libro ten agochados 56 ratos que os máis pequenos/as terán que atopar ao longo de todo o libro, o que fomentará a súa atención e o interese polos detalles.

Recursos de interese:


sábado, 3 de marzo de 2018

Orellas de bolboreta



Aguilar, Luisa (2007), Orellas de bolboreta, ilust: Neves André, traduc: Rodríguez Manuela, Pontevedra, colec: Demademora, (+4anos) [12pp], ISBN: 9788484646624

Breve descrición do formato e contido da obra: álbum ilustrado de tapas duras e resistentes. A cuberta presenta a protagonista do conto, Mara, xunto a unha bolboreta que remite directamente cara ao título da obra. Na contracuberta amósase un fondo floreado. No interior o texto é moi breve con letra moi sinxela e clara e unhas imaxes moi significativas xa que recrean e amplían a información do texto, que convive coas imaxes en diferentes planos. As repeticións e reiteracións do texto favorecen a memorización das estructuras e tamén que os máis novos sigan o fío da historia.

Este conto narra como unha nena chamada Mara padece as burlas dos seus compañeiros e compañeiras polo seu aspecto físico e a forma de vestir. Fronte ás chanzas e risas dos seus iguais, Mara conta co apoio e amor de súa nai, quen é capaz de ofrecerlle unha imzaxe positiva de todas as súas peculiaridades.

Potencialidades: É un libro onde hai repeticións, polo que é máis fácil que os nenos/as non se perdan e se poidan involucrar no conto. Por outro lado podemos traballar cos nenos/as a discriminación, ensinarlles que todos temos as nosas particularidades e non se pode discriminar a ninguén, xa que todos somos iguais e como sacar o positivo das cousas. Ademáis diso, destaca a forza de vontade por superar as adversidades dunha forma positiva, ,a alta autoestima,a capacidade de ver o lado positivo das cousas,a imaxinación, a ser independente e non deixarse manipular polos demáis,a aceptarse así mesmo,por último decir que é un libro circular xa que retorna o punto de partida onde todo empezou ,nesto observámolo porque no comezo dinlle a Mara -orellotas- e ela responde con que son orellas de bolboreta mentres que, no final vólvenlle a dicir o mesmo, soamente que, desta vez ela recoñece que si que é unha orellotas pero que lle da igual.

Recursos de interese:

Canción publicada por Davinfa referida ao libro do blog “Cuentos encantados” visto o día 24/02/2018 en http://cuentoscantados.blogspot.com.es/2012/10/orejas-de-mariposa-cancion.html

Actividades de Isabel Bronchales descargables en “Cuentos que cuentan” visto o día 24/02/2018 en https://issuu.com/isabelbronchales/docs/orejillas_def