Amosando publicacións coa etiqueta Escuridade. Amosar todas as publicacións
Amosando publicacións coa etiqueta Escuridade. Amosar todas as publicacións

sábado, 17 de marzo de 2018

Max e Lea

Resultado de imagen de max e lea

Padulles, Estefanía (2016). Max e Lea. Iust. da autora, trad. Ánxela Gracián. A Coruña: Hércules de Ediciones, [32 pp.]. (ISBN: 978-84-944396-9-8).


Descrición do formato e contido: álbum ilustrado que contén textos moi sinxelos acompañados por ilustracións coloridas e pintadas con ceras, que axudan a nenas e nenos a comprender e seguir dunha forma máis doada a lectura. O formato de encadernación é de tapa dura, cunha dimensión de 22 cm x 30 cm.
A cuberta adéntranos na historia que está a piques de comezar, xa que mostra a imaxe dos protagonistas baixo a lúa, figura clave da historia. As gardas non posúen caligrafía pero as ilustracións envólvennos na historia, xa que mostran a vexetación da selva onde viven os personaxes, dinosauros como Max e Lea,  (personaxes principais), Triceraptors, Pterosauros, Alamosaurus… A historia comeza con Max, un Tryannosaurus Rex moi forte e corpulento que non pode durmir porque ten moito medo á escuridade. Farto desta situación, decide pedir axuda aos dinosaurios máis fortes que coñece, pero parece que ninguén pode axudarlle, xa que todos teñen medo. Cando Max xa está a punto de se render, crúzase con Lea, unha pequena ratiña que lle dá o mellor consello para vencer o seu medo: observar a beleza da noite e a luminosidade da lúa acompañada polas estrelas.


Potencialidades educativas: a través desta obra pódese traballar e fomentar o traballo cooperativo, xa que uns intentan axudar aos outros, e todos ensinan o que saben aos demáis.
Tamén se traballan valores como a amizade e os prexuízos (Lea que é unha ratiña pequena pero valente, fronte Max que é un dinosaurio grande e forte, pero con medo).
Cobra importancia tamén o medo, ese sentimento que teñen moitos nenos/as polas noites, como poden conseguir superalo, coñecer a beleza da noite e descansar.
Por outra parte, este conto ensina aos nenos e nenas a importancia de loitar por conseguir o que queres, de forma individual ou colectivamente. Por último a historia de Max e Lea ensina a valorar as pequenas cousas da vida, como é a beleza da noite. Podería facerse un obradoiro cos nenos/as para ensinarlles a facer bonecos con teas e materiais reciclables e crear á ratiña Lea para durmir con ela e non ter medo polas noites.
Ao rematar de ler o conto, podería preguntarse aos nenos e nenas acerca dos personaxes, das súas características, dos sentimentos, etc.


Recursos de interese:  
CEIP Ramón de Valenzuela. Educación Infantil. Canción con Estefania Padullés Max e Lea https://www.youtube.com/watch?v=j75oDz_VX8k

luns, 12 de marzo de 2018

Hay un monstruo en la oscuridad



Saldaña, María del Mar (2016). Hay un monstruo en la oscuridad. Ilust. Sol Ravassa. Basauri-Bizkaia: Soldesol, [41 p.p]. (ISBN:978-84-945119-6-7).

Breve descrición do formato e contido da obra: álbum ilustrado sobre a percepción do medo á escuridade. O protagonista é un monstro, ó cal se describe ao longo da obra, primeiro con adxectivos que dan medo e logo engádenlle atributos para ridiculizalo, esconxúrano, de forma que o monstro ao final do conto non dá medo ningún, senón risa.
É un libro de forma cadrada (21.5 x 21.5 cm), de tapa dura e bordes en pico. Na cuberta, contracuberta, gardas e na portada predomina unha ilustración escura, sobre todo a cor negra e a vermella, que tamén aparecen nas primeiras páxinas, pero que progresivamente van dando paso a cores máis vivas que se van sumando, asociadas a diferentes partes do corpo do protagonista. O texto é moi sinxelo, con frases moi curtas e referidas aos atributos que se lle colocan ao monstro protagonista. 

Potencialidades: con esta obra pódese traballar os medos propios da primeira infancia conseguir que, con humor e risa, os nenos e nenas perdan o medo á escuridade. Tamén se traballan aspectos como a autoestima e a autoconfianza. Incluso, a través desta lectura se poden abordar cuestións como os prexuízos, a necesidade de evitar xulgar as persoas pola primeira impresión. Ademáis a obra xoga coa ruptura de expectativas, ao iniciarse con todos os elementos propios do terror e ir dando paso á risa e ao ludismo.