Amosando publicacións coa etiqueta poemario. Amosar todas as publicacións
Amosando publicacións coa etiqueta poemario. Amosar todas as publicacións

mércores, 14 de marzo de 2018

O libro dos bicos





Resultado de imagen de o libro dos bicos




Luna Samartín, Xosé (2014). O libro dos bicos. Ilustr. Nuria Díaz. Ferrol: edicións Embora, col. Fardel dos soños, [33 pp.]. (ISBN: 978-884-92644-81-0).

Breve descripción do formato e contido da obra
: O libro dos bicos é un poemario ilustrado. Na cuberta e contracuberta aparece unha única imaxe onde se ilustran tres casas de esquerda a dereita por orde de tamaño. Na casa de maior tamaño, que se atopa na cuberta, aparece un meniño bicando a unha muller adulta, facendo referencia ao título. A cor que chama á atención da cuberta é o vermello da casa, no que se poder observar unha fiestra aberta que convida a adentrarse cara o interior do libro, deixando cabida á imaxinación de como será o interior da vivenda. Nas gardas predomina a cor gris en contraste cunha fileira de dentes de león de cor branca na parte inferior, tres deles aparecen voando na parte dereita, simbolizando a liberdade. A páxina de créditos segue o mesmo formato que a anterior, pero con fondo rosa. Nas dúas páxinas seguintes atopamos unha prólogo de Rosalía Morlán que leva de título “Versos e bicos” acompañado de tres pequenas ilustracións sobre un fondo branco.
As ilustracións do poemario son de tipo figurativo e empregan cores vivas que fan contraste entre elas e co fondo. Ditas ilustracións engaden máis contido á obra, información concreta e adicional sobre cada poema. Existe unha combinación entre a linguaxe visual e textual.
As formas dos poemas son moi variadas, hai poemas que xogan coa forma dos trabalinguas, poemas narrativos, poemas curtos... Isto representa unha diversidade formal que permite traballar coa poesía desde distintos puntos de vista, incidindo na adquisición da linguaxe e nos propios cromatismos. Os poemas, que aparecen nunha páxina independente, únense mediante un tema central que actúa como fío entre todos eles. Ese fío conductor é a afectividade que se simbolizada sobre todo polo bico sendo a máxima representación afectiva do ser humano. A afectividade que propicia a obra refléxase non soamente entre os elementos e as personaxes dos poemas, senón incluso entre a propia natureza e no medio no que viven.
Nesta obra faise alusión a importantes autores internacionais coma é Shakespeare e ás súas obras.

Potencialidades educativas: esta obra permite traballar a rima e a musicalidade fomentando a memorización. Grazas a este poemario, os pequenos e pequenas aproxímanse á poesía como forma de expresión artística.
Os nenos e nenas verán representado nos poemas o tema da afectividade, non só entre as persoas, senón tamén entres os distintos elementos da natureza.
Os cromatismos tamén os traballa esta obra tanto no texto poético como nas ilustracións.
Os poemas dan pé a coñecer distintas obras e autores de gran importancia mundial.

Recursos educativos:
Vídeo dos nenos do colexio A ponte de Lugo recitando os poemas do libro O libro dos bicos:
https://www.youtube.com/watch?v=aZIc-H3krGE

O BAÚL DE DOMINGOS QUINTAS.






Babarro, Xoán (2017). O baúl de Domingos Quintas. Ilust. Estefanía Padullés. A Coruña: Hércules de Ediciones, col. Novas Lecturas de Hércules. [74pp] (ISBN: 978-84-947023-8-9).


Descrición do formato e contido: poemario ilustrado de tapa dura. A cuberta e a contracuberta forman unha unidade na que se observa o baúl do que proceden as historias que se atopan no interior do libro, rodeado das bolboretas monarca que representan o aspecto máxico da infancia do autor. Cada poema, de temática animal, vén acompañado da súa correspondente ilustración. Ten un prólogo narrativo que nos somerxe na historia que se vai contar e está adicado ao bisavó. Tamén conta con pés de páxina que engaden pequenos relatos relacionados co poema que estamos lendo. As imaxes son pequenas, realistas e están feitas a lapis de grafito, nuns casos en tons grises e noutros con distintas cores que acentúan a súa vistosidade. É nas páxinas centrais da obra cando as ilustracións adquiren cor e se emprega a mesma técnica realista. Podemos observala na imaxe seguinte.

Potencialidades educativas: é un libro moi adecuado para traballar a temática dos animais na aula de infantil xa que este tema emprégase habitualmente co alumnado. Este poemario ofrécenos unha visión diferente e divertida ao engadir poesía e cor á descrición de cada animal. (Ex. Dona Curuxa, madrugadora, velo de tebra, gafas de moda, fala coa lúa, coa noite soa…). Ademais do mencionado anteriormente espértase á imaxinación desde idades máis novas, mediante os adxectivos e as repeticións. Tamén traballa as adiviñas como unha técnica ou recurso para estimular o interese dos pequenos e pequenas.


Recursos de interese: