Amosando publicacións coa etiqueta Onomatopeas. Amosar todas as publicacións
Amosando publicacións coa etiqueta Onomatopeas. Amosar todas as publicacións

domingo, 15 de abril de 2018

El tesoro de la Isla del Pirata Calavera



Taylor, Martin (2007). El tesoro de la Isla del Pirata Calavera. Ilust. Duncan Smith, trad. Carmen Gil. Barcelona: Combel Editorial, col. Aventura Sorpresa [14 pp.]. (ISBN: 978-84-9825-227-9).

Breve descrición do formato e contido da obra: álbum ilustrado interactivo e en lingua castelá. Este conto é un pop-up. É de formato cadrado, cun tamaño de 26,8 x 24,8 cm. A cuberta e a contracuberta son de tapa dura. Na cuberta aparece o Pirata Calavera empuñando a súa espada e garfo e na contracuberta aparece un pergamiño onde están escritas unhas instrucións para encontrar o tesouro. As imaxes que podemos atopar no seu interior son grandes, vistosas e moi coloristas pensadas para chamar a atención dos nenos e nenas. O texto deste conto consta de rimas, que están relacionadas co animal que sae en cada páxina. Este autor, ademais conta con outros libros de aventuras: El tesoro perdido de la cueva del dragón y El tesoro perdido del faraón.
O volume que nos ocupa trata sobre o Cápitan Calavera que antes de morrer escondeu un tesouro nunha illa. Os nenos e as nenas coa axuda dun mapa terán que recuperar o tesouro pero terán que enfrontarse ao longo do camiño con diferentes criaturas ata chegar ao tesouro.

C:\Users\Noelia\Downloads\20180326_155847.jpg

Potencialidades educativas: os nenos e nenas con este libro de adiviñas deixarán voar a súa imaxinación intentando descubrir onde se atopa o tesouro e desenvolverán mellor a súa comprensión lectora. Ademais aprenderán e ampliarán o seu vocabulario e estruturas lingüísticas máis sofisticadas, que contribúen ao desenvolvemento do pensamento abstracto, a establecer relacións co mundo que os rodea e a gozar coa linguaxe e as súas posibilidades. Este libro ademais contribúe a  que os nenos e nenas perdan o medo a certos animais como serpentes, morcegos..., aos que lles poidan ter medo. Con el tamén podemos traballar as onomatopeas, cos diferentes sons que fai cada animal que aparece en cada unha das paxinas, dos que se poderán traballar as súas características, presentadas con gran detalle neste libro tridimensional.


Recursos de interese:
  • Taylor, Martin (2010). El tesoro perdido del faraón. Ilust. Duncan Smith, trad. Carmen Gil. Barcelona: Combel Editorial, col. Aventura Sorpresa [14 pp.]. (ISBN: 978-84-9825-323-8 ).
  • Taylor, Martin (2013). El tesoro perdido de la cueva del dragón. Ilust. Duncan Smith, trad. Carmen Gil. Barcelona: Combel Editorial, col. Aventura Sorpresa [14 pp.]. (ISBN: 978-84-9825-408-2 ).

xoves, 15 de marzo de 2018

Transportables: Camiones y autobuses




Wallace, Karen e Lodge, Jo. Transportables; Camiones y Autobuses. Madrid: Edelvives, [10 pp.]. (ISBN: 978-84-263-9024-0).

Breve descrición do formato e contido da obra: álbum ilustrado e de carácter informativo é en lingua castelá e de carácter informativo. Presenta un formato pequeno, cun tamaño de 12,5 x 12,5 cm e de forma cadrada. As páxinas son de tea con vistosas cores en cada unha das súas páxinas. Xa dende a cuberta coñecemos  a unha das súas protagonistas nun camión: unha gata. Podemos observar como en cada páxina contén un breve texto onde aparece un medio de transporte acompañado do son que fai e da palabra escrita. Ademais, consta dunha ventosa para suxeitalo á trona ou á ventá do coche e así acompañar aos máis pequenos nas súas viaxes.

Os personaxes deste conto son un can, un burro, un coello e un gato que viaxan  en diferentes medios de transporte: un coche, autobús, bicicleta, camión e furgoneta.


Potencialidades educativas: os libros de tea ofrecen aos nenos e nenas diversas experiencias sensoriais. O carácter manipulativo do libro permítelles interactuar con el de diferentes maneiras e explorar cada unha das súas páxinas, ademais de asociar imaxes e conceptos do seu contorno. Con este libro os adultos poden inicialos no coñecemento de diferentes medios de transporte, coñecer  diferentes animais e tamén poden contribuír a distinguir as primeiras cores, como o amarelo, azul, verde.... Con esta obra tamén se pode traballar as onomatopeas de cada medio de transporte mencionado no libro e polo tanto xogar á identificación de sons da lingua. Unha obra que forma parte das denominadas “lecturas vinculares”, esas primeiras aproximacións ao libro dende idades temperás, nas que a nenez goza da descuberta a través de todos os sentidos da man dos adultos que os animan a descubrir o mundo mentres se divirten.

Recursos de interese:


  • Romero, E. (14/12/2009). Aprendemos los sonidos de los transportes_Discriminación auditiva. Recuperado de: https://www.youtube.com/watch?v=k4e83d6AA3s