Amosando publicacións coa etiqueta cultura. Amosar todas as publicacións
Amosando publicacións coa etiqueta cultura. Amosar todas as publicacións

martes, 24 de abril de 2018

Xogos musicais





Prego, Luis (2013). Xogos musicais. Ilust, Marta Iglesias. Pontevedra: Cumio, col. Multimedia, [87 pp.] (ISBN: 978-84-8289-463-8)

Breve descrición do formato e do contido: Álbum ilustrado de tapa dura composto por 87 páxinas, todas ilustradas cunha gran combinación de cores, deseños feitos por nenos/as no período infantil, especialmente polo esquematismo. O testo atopámolo en calquera parte das páxinas. Na parte dianteira atopamos o título do álbum, o autor, o ilustrador e a editorial acompañada dun debuxo esquemático que parece representar dúas persoas nun xardín. Podemos observar que trae o símbolo de que este álbum contén un CD. Na contracuberta podemos ver unha imaxe que representa uns nenos/as bailando, un breve resumo e a editorial a que pertence. No lombo aparece a título do álbum, o autor e a editorial. O contido trátase dunha obra na que aparecen cantigas e xogos tratando diferentes temáticas clasificadas por bloques, por exemplo arrolos, xogos no colo, xogos para bailar, etc. Podémolas atopar todas no CD que trae o libro o final.

Potencialidades: Con este álbum ilustrado podemos traballar a iniciación musical xa desde o embarazo, tamén aprender a linguaxe, novo vocabulario, ritmos musicais, desenvolvemento motriz, percepción auditiva, etc. Grazas ao CD que trae pódense facer moitas actividades colectivas na aula e así os nenos/as socialízanse entre eles. É un proxecto moi ben traballado cunha pedagoxía estructurada de maneira moi creativa. Encantame a maneira coa que os nenos poden disfrutar dos ritmos, as verbas, a expresión, o simbolismo, e sobre todo a cultura educativa que desprende con cada canción.

Recursos:
Cantigas e recitados para nen@s:

luns, 2 de abril de 2018

Pakolas



Cerdeira, Paco (2017). Pakolas. Ilus. Laura Romero. Vigo: Galaxia, Col. Sonárbore, [24 pp.]. (ISBN: 978-84-9151-084-0).

Descrición do formato e contido da obra: álbum ilustrado de formato rectangular,(24x 21cm) e tapas duras. Na cuberta pódese observar unha camisa que conforma o fondo, na marxe superior esquerda aparece o título da obra acompañado do nome do autor; na marxe dereita, a imaxe dun CD que contén cancións presentes na obra; no centro aparece un rato e unha guitarra dentro do peto da camisa. O feito de aparecer este instrumento débese a que o estilo das cancións da obra son rock and roll. Ademais, aparecen diversos animais esparexidos pola cuberta, posto que cada canción presenta relación cun animal diferente. Na parte inferior, móstrase o nome da ilustradora e a colección deste. Na contracuberta aparece unha breve descrición da obra e o nome da editorial. Adornando a camisa, que contén o peto que aparece na cuberta, pódense ver un par de animais. As gardas son iguais, presentando  tanto ao comezo como ao final unha ra e unha mosca.
No interior da obra, descóbrese que é de carácter poético, coa intencionalidade de poñer en contacto coa estrutura lírica aos nenos e nenas dende unha visión musical e literaria. As ilustracións, de tipo figurativo, son orixinais, alegres e coloridas e imitan a pintura de acuarela. A súa función é recrear o que transmiten as letras das cancións, cuxos títulos presentan tipografías de maior tamaño e en letra maiúscula. Destacan o xogo de palabras e as rimas en cada unha das composicións, propio da linguaxe musical e do marcado ritmo das composicións.
Potencialidades: Con esta obra pódese traballar a competencia lingüística e a dicción, xa que o Colexio Profesional de Logopedas de Galicia colaborou na súa elaboración. Deste xeito, convértese nun recurso de grande apoio para os nenos e nenas para poder reforzar esta competencia. Ademais, pódese traballar: os animais e o medio no que viven, as cores presentes en toda a obra, os ritmos podendo entoar as pezas con distintas velocidades e o baile facendo diferentes coreografías. Por último, tamén se traballa a transmisión de valores familiares a través da identificación de familias de animais comparándose coas propias familias de cada neno e nena.

Recursos:



mércores, 7 de marzo de 2018

Yared e a súa nova familia






Pérez Otero, Amalia (2008).Yared e a súa nova familia. Ilustr. Pablo Álvarez Rosendo. Vigo: Nova Galicia Edicións,[24 pp.]. (ISBN: 978-84-8464-548-1).

Descrición do formato e contido: conto infantil de tamaño medio e tapa dura e é un álbum ilustrado, xa que contén imaxes moi claras, cores vivas e familiares explicando a historia da obra.
O libro conta cunha cuberta que nos di que vai a falar sobre unha familia e que un deles é alguén especial, polo que é o protagonista e cunha contracuberta, que nos indica o final da obra de cando o neno adoptado vai para casa coa súa familia nova, polos elementos empregados; como o avión e varias casas xuntas nunha cidade.
            As caricaturas dos personaxes son diferentes e máis grandes do normal, como á hora de mostrar un sorriso. O narrador é en primeira persoa, xa que é o neno quen conta a súa historia e presenta aos demais, tamén mostra os seus sentimentos, de como se sente por todo o que está vivindo.
O protagonista chámase Yared, un neno que vive en Adís Abeba (Etiopía), e un día foron a buscalo unha parella de matrimonio para adoptalo. Ao principio chamoulle a atención porque os seus novos pais tiñan a pel de cor “lúa chea” (branca), pero estaba moi contento e ata chegou a pensar que os seus pais viñeron do espazo e ían ata a lúa, pero colleron un avión para ir a súa nova casa e coñecer a súa familia e aos seus irmáns, que tamén estaban moi felices pola chegada do novo membro á familia. Para Yared todo é novidoso, xa que está nunha etapa onde está descubrindo un mundo totalmente diferente de onde vén.

Potencialidades: este conto é ideal para utilizalo na aula cando chega un neno novo doutro país, polo que é unha boa ferramenta para explicar aos nenos o importante que é aceptalo e proporcionarlle  un ambiente cálido e amoroso, co fin de que se sinta integrado, ademais de ensinarlles o valor do respecto polas persoas, xa que todos somos iguais. Serve tamén cando temos un neno adoptado na aula e cando queremos normalizar a súa situación, xa que pódese sentir estrañado e diferente aos demais. Desta forma, os nenos entenderían que se todos xogamos con todos imos a ser felices.

Recursos de interese: