Dibuja con las letras

Guillaume, Véronique. (2000). Dibuja con las letras. Ilust. da autora. Francia: Casterman, [22 pp.]. (ISBN: 9782203751101)

Breve descrición do formato e contido da obra: álbum ilustrado informativo-didáctico en lingua castelá. É un volume en formato mediano de tamaño de 20.3 x 28.6 cm. A cuberta e a contracuberta son de tapa dura. Na cuberta aparecen diferentes letras do abecedario e debuxos que se poden realizar con elas como: un pitiño coa letra “o”, un rato coa letra “Q”, unha avoa coa letra “A”ou un paxaro coa letra “b”.

O libro consta de 10 letras diferentes para poder debuxar sobre elas: A, B, D, E, H, M, O, Q, S, W e ademais no final  aparecen o resto das letras do abecedario co debuxo que podemos facer. Outra actividade que poden facer co libro e asociar os diferentes debuxos cas palabras que aparecen debaixo. As imaxes que contén o libro son coloristas e moi visuais para facelo máis atractivo .

Potencialidades educativas: con este libro pódese tratar de modo lúdido a iniciación á lectoescritura, ao favorecer que nenos e as nenas deixen voar a súa imaxinación e creatividade, á vez que asocian cada letra cunha imaxe con significado, o que lles facilitará a súa identificación sonora e visual..

Recursos de interese:

• Hans Educa. (29/09/2014). Tarjetas de relación palabra imagen. Recuperado de: https://www.youtube.com/watch?v=zdLEFx67AnQ

O ganapán das palabras

Cáccamo, Pepe (2016).Ganapán das palabras. Ilust. María Xosé Fernández. Pontevedra: Kalandraka editora, col. Demademora, [26 pp.], (ISBN: 978-84-8464-917-5).

Breve descrición de formato e contido:  álbum ilustrado, cun tamaño de 22 x 22 cm  e feito de tapa dura. Esta é unha edición especial publicada con motivo do dezaoito  aniversario da primeira edición e coa que Kalandraka quere recuperar unha obra emblemática da Literatura Infantil e Xuvenil galega que segue tendo plena vixencia.

Na cuberta  e na contracuberta atopámonos con imaxes de laranxas durmindo e o título está inscrito dentro  dun ganapán, redundando no sentido do propio título. Xógase de forma suxestiva coas palabras xa dende o título, que forma un anagrama coa vogal A: “Ganapán das palabras”. As gardas representan a media ducia de laranxas durmindo, que van enmarcadas entre dous signos de interrogación e que semellan representar a un neno.

Ao comezar o conto encontrámonos cun neno que tiña cen palabras envoltas en papel de celofán. As ilustracións do interior do libro son moi coloridas e visuais, de estilo ecléctico e vangardista e destacan polo seu carácter expresionista, os contrastes cromáticos e os xogos entre as formas e as letras. O conto ofrécenos unha divertida historia rimada sobre cinco palabras aventureiras que caen nun espello e vólvense do revés. Pedra, cama, laranxa, lúa, pan... Que pode ocorrer? Que se volven do revés. E como as imos ler nós entón??? Con rimas nos versos todo pode suceder.

Pontencialidades educativas: a través da poesía e da rima favorécese a socialización e os procesos de crecemento e aprendizaxe dos/as nenos/as Estes  xogan a través do libro cos versos e cos inversos, aprenden palabras novas, adquiren o significado das palabras e usan a súa imaxinación. Desta obra poética pódese gozar a calquera idade, xa que con ela podemos favorecer a creatividade das crianzas, ampliar vocabulario, coñecer os mecanismos e funcionamento da lingua, gozar do ritmo e a rima de cada composición e das ilustracións que as acompañan.

Recursos :

É de gran interese visitar e revisar este artigo e esta páxina web:

• Roig Rechou, Blanca-Ana, Neira Rodríguez, Marta e Agrelo Costas, Eulalia (2009). A poesía no século XXI en Galicia. En Blanca-Ana Roig Rechou, Isabel Soto López e Marta Neira Rodríguez (coords.). A poesía infantil no século XXI (2000- 2008). Vigo: Edición Xerais de Galicia / LIJMI, pp. 77- 108.
• Nesta páxina web pódese encontrar distintos tipos de recursos de literatura  popular infantil : Orella pendella