Amosando publicacións coa etiqueta Rima. Amosar todas as publicacións
Amosando publicacións coa etiqueta Rima. Amosar todas as publicacións

mércores, 9 de maio de 2018

O libro apestoso





Cole, Babette (1996). El libro apestoso. Ilust. la propia autora, trad. Francisco Segovia, coord.Daniel Goldin.México: Fondo de Cultura Económica,col. Ala orilla del viento, [32pp]. (ISBN:968-16-4559-6)
Breve descrición  de formato e contido: álbum ilustrado, de tapa dura cunha encadernacion  en cartoné, de 21,5 x 28 cm. No centro da cuberta observase un animal: o porco, enriba del vense o título do libro e o nome do autor. No título xa se retrata polas formas das letras de que pode ir o contexto do interior. Tanto a cuberta coma a contracuberta son de cor marrón. Nas gardas son iguais tanto no principio coma no final, nelas observanse  catro porcos camiñando nun fondo amarelo, acompañado un dos porcos por unha frase. As ilustracións acompañan o texto cuns debuxos moi particulares, que están feitos coa intención de realzar e esaxerar as estelas dos olores; é dicir, o mirar só o debuxo, xa te das de conta do que ves  ole moi, pero moi mal. Os personaxes que van aparecendo teñen todos os detalles necesarios para que se vexan realmente apestosos.




Potencialidades educativas: O libro apestoso xoga cos sentidos dos nenos/as, con el podemos traballar co olor, o olfato, os recordos que estos despertan,  as imaxes que se nos veñen á cabeza, etc. Esta viaxe polos malos cheirumes é moi divertida, porque lles fai recordar dende o olor dos calcetins ata as bolsas de lixo.

Recursos:
É de gran interese:
  • Agreda, Jose Luís (2009). Carla: ¡BUENAS NOCHES!. Barcelona :Planeta, [10]. (ISBN: 9788408088172)

luns, 30 de abril de 2018

Primavera divertida



Steer, Dugald (2003). Primavera divertida. Derek Matthews, trad. Ana María Romero Yebra.
Enxeñería do papel Richard Hawke. Madrid: Fundación Santa María, [20 pp.]. (ISBN: 84-348-9094-1).

Descrición breve do formato e contido da obra: edición pop-up dun álbum ilustrado, no cal os
animais debuxados sobresaen do libro, creando un efecto de proximidade e interacción co lector.
Cada dúas páxinas aparece representado un fondo sobre o cal aparecen os animais, debuxados de
maneira sinxela pero con cores vivas que dan sensación de alegría. No referido ao texto, está escrito
en castelán, cor negra e letra grande, e para cada animal só hai un pequeno parágrafo referido a el,
sendo isto suficiente para que os lectores o identifiquen e coñezan algo característico del. Ademais, o
texto é rimado, o que lle da musicalidade, algo que resultaría moi atractivo se lle lésemos en alto o
libro a un neno ou nena. En canto ao contido, dentro deste libro atopámonos os seguintes animais:
esquío, galiña, polo, bolboreta, verme, coello, cegoña, cabra, pato, porco, gato, ra e ovella. Non hai
unha historia que comunique aos personaxes entre eles, pero si existe un tema común que fai que o
libro cobre sentido: a primavera. Polo tanto, nas páxinas deste álbum descríbese o que fan todos os
animais xa citados durante esta estación: algúns acaban de nacer, outros xogan coas flores que crecen,
outros xogan coas súas familias… De maneira que os lectores poden imaxinarse a vida destes seres
vivos.  

Potencialidades educativas: grazas a este libro, os nenos e nenas poderán aprender lendo e xogando
moitos aspectos relacionados con animais que, a maioría, poden ver na súa vida cotiá, e ademais
estarán introducidos no mundo da rima, o cal é moi beneficioso xa que axuda no sentido do ritmo e
tamén a facer xogos de palabras, aprendendo máis vocabulario. Por outra banda, que os animais
sobresaian do papel resulta sorprendente e moi divertido, polo que este libro axudaríalles tamén a
interaccionar con outros nenos, xa que poden tocar os animais e mover as páxinas para que os pregos
do papel fagan que os personaxes adquiran diferentes formas, como por exemplo a cegoña cando se
abre a páxina abre as ás e cando se pasa á seguinte as pecha. Por último, a través dos animais e das
paisaxes que se poden ver no libro, os nenos coñecerán trazos propios da primavera.

Recursos didácticos de interese e estudos sobre a obra: como complemento para a lectura
interactiva desta obra, recoméndase este vídeo, xa que reforza os conceptos que trata o libro sobre a
primavera dunha forma amena e diferente:
  • CantaJuegos, “la primavera” (consultado o 15/4/18 de
https://www.youtube.com/watch?v=eFZsUKt_3g8).

mércores, 25 de abril de 2018

Eu cociño, ti cociñas?



Mosquera Roel, Gloria (2017). Eu cociño, ti cociñas?. Ilust. María Lires, trad. do autor Madrid: Galaxia Editorial, col. Sonárbore [26 pp.]. (ISBN: 978-84-9151-089-5).

Breve descrición do formato e contido da obra: álbum ilustrado escrito en lingua galega. É de formato cadrado, cunhas dimensións de 24x21 cm. A cuberta e a contracuberta son de tapa dura. Na cuberta aparece unha tixola con un peixiño e diferentes hortalizas e na contracuberta aparece unha espumadeira e un ovo nun prato. As imaxes que podemos atopar no seu interior son grandes, vistosas e moi coloristas pensadas para chamar a atención dos nenos e nenas. Ademais en cada receita que aparece no conto, o ingrediente principal e o debuxo que ocupa esa paxina. O texto deste conto consta da propia receita e dunha canción rimada relacionada co ingrediente principal da receita. O conto trae un CD con todas as cancións que neste aparecen.




Potencialidades educativas: os nenos e as nenas descubriran novas receitas que poderán facer cos seus compañeiros. Este conto esta cheo de receitas e de cancións para que os pequenos e pequenas da casa nos deleiten cos mellores sabores, e ademais poderán aprender a cociñar a través da musica, divertíndose a vez. Este libro e adecuado para traballar na aula, para que así os nenos e nenas traballen todos xuntos, e aprendan conceptos novos dunha maneira lúdica


Recursos de interese:

  • Blog do colexio CEIP de Sigüeiro (Oroso, A Coruña). Eu cociño, ti cociñas?. http://eucocinoticocinas.blogspot.com.es/





domingo, 15 de abril de 2018

El tesoro de la Isla del Pirata Calavera



Taylor, Martin (2007). El tesoro de la Isla del Pirata Calavera. Ilust. Duncan Smith, trad. Carmen Gil. Barcelona: Combel Editorial, col. Aventura Sorpresa [14 pp.]. (ISBN: 978-84-9825-227-9).

Breve descrición do formato e contido da obra: álbum ilustrado interactivo e en lingua castelá. Este conto é un pop-up. É de formato cadrado, cun tamaño de 26,8 x 24,8 cm. A cuberta e a contracuberta son de tapa dura. Na cuberta aparece o Pirata Calavera empuñando a súa espada e garfo e na contracuberta aparece un pergamiño onde están escritas unhas instrucións para encontrar o tesouro. As imaxes que podemos atopar no seu interior son grandes, vistosas e moi coloristas pensadas para chamar a atención dos nenos e nenas. O texto deste conto consta de rimas, que están relacionadas co animal que sae en cada páxina. Este autor, ademais conta con outros libros de aventuras: El tesoro perdido de la cueva del dragón y El tesoro perdido del faraón.
O volume que nos ocupa trata sobre o Cápitan Calavera que antes de morrer escondeu un tesouro nunha illa. Os nenos e as nenas coa axuda dun mapa terán que recuperar o tesouro pero terán que enfrontarse ao longo do camiño con diferentes criaturas ata chegar ao tesouro.

C:\Users\Noelia\Downloads\20180326_155847.jpg

Potencialidades educativas: os nenos e nenas con este libro de adiviñas deixarán voar a súa imaxinación intentando descubrir onde se atopa o tesouro e desenvolverán mellor a súa comprensión lectora. Ademais aprenderán e ampliarán o seu vocabulario e estruturas lingüísticas máis sofisticadas, que contribúen ao desenvolvemento do pensamento abstracto, a establecer relacións co mundo que os rodea e a gozar coa linguaxe e as súas posibilidades. Este libro ademais contribúe a  que os nenos e nenas perdan o medo a certos animais como serpentes, morcegos..., aos que lles poidan ter medo. Con el tamén podemos traballar as onomatopeas, cos diferentes sons que fai cada animal que aparece en cada unha das paxinas, dos que se poderán traballar as súas características, presentadas con gran detalle neste libro tridimensional.


Recursos de interese:
  • Taylor, Martin (2010). El tesoro perdido del faraón. Ilust. Duncan Smith, trad. Carmen Gil. Barcelona: Combel Editorial, col. Aventura Sorpresa [14 pp.]. (ISBN: 978-84-9825-323-8 ).
  • Taylor, Martin (2013). El tesoro perdido de la cueva del dragón. Ilust. Duncan Smith, trad. Carmen Gil. Barcelona: Combel Editorial, col. Aventura Sorpresa [14 pp.]. (ISBN: 978-84-9825-408-2 ).

sábado, 31 de marzo de 2018

A fiestra dos soños



Boquete, Manuel (2018). A fiestra dos soños. Ilust do autor. Vigo: Galaxia, [ 24 pp.]. (ISBN: 978-84-9151-079-6). Libro acompañado por CD.

Descrición do formato e do contido: álbum ilustrado de marcado carácter lírico, que pon en contacto aos máis novos coa estrutura poética dende unha visión musical, literaria e plástica. Encadernado en cartoné de tamaño rectangular (24x21cm) e tapas duras, os seus textos implican  unha esixencia por parte do lector pouco habituado á poesía, obsequiándonos cunhas ilustracións de tipo figurativo, alegres e coloridas, pintadas en acuarela. O contido deste texto vai acorde coas imaxes que amplían os contidos. Consta de 13 poemas acompañados de música. Todos os elementos que aparecen no libro están presentes no contorno diario dos nenos e das nenas, o que favorece o recoñecemento e a identificación con eles. Nalgúns casos o retrouso das composicións está en cor vermella e noutros en laranxa, o que permite identificalo para acompañar o ritmo das cancións e poder repetir estes versos. Algunhas das composicións presentan  versos longos, mentres que outras son máis curtas, o que incide no ritmo de cada poema, nuns casos máis demorado,noutros mais rápido.

Potencialidades: con esta obra pódese traballar a poesía, a música, o ritmo e a rima dende moi tenra infancia. As imaxes coloristas e de marcado ton infantil contribúen a interesarse polo seu contido aos máis pequenos, ao tratar cuestións como a imaxinación, a creatividade, o ludismo e as ganas de aprender, aspectos que xa se intúen polo propio título, que anuncia a entrada ao mundo dos soños. Con esta e outras obras da colección “sonárbore” a editorial Galaxia pon en mans dos docentes e os mediadores unhas ferramentas imprescindibles para  coñecer e valorar o traballo das distintas agrupacións musicais que compoñen en Galica para a infancia.

Recursos:
É de gran interese para os mediadores consultar os seguintes libros:
  • Blanco, Magin e Senlle, Uxía (2015). Canta o cuco. Ilust. Leandro Lamas. Vigo: Galaxia, [28 pp.]. (ISBN: 978-84-9865-648-0 ). Libro acompañado por CD.

  • Uxía (2013). Rosalía pequeniña. Ilust. Marina Seoane. Vigo: Editorial Galaxia, col. Sonárbore, [28 pp.]. (ISBN: 978-84-9865-484-4). Libro acompañado por CD.

Aurelio



Rubio, Antonio (2016). Aurelio. Ilust. Federico Fernández. Pontevedra: Kalandraka, [28 pp.]. (ISBN: 978-84-8464-263-3).

Descrición do formato e do contido: álbum ilustrado que conforma un abecedario de marcado carácter poético e en lingua castelá. Pon en contacto esta estrutura poética cunha visión literaria e plástica. Realizado en cartoné, con tapas duras e bordes redondeados, ten unhas dimensións de 19x19 cm. O protagonista deste libro é un inquieto morcego que se chama Aurelio. Ambas as palabras conteñen as cinco vogais. Comeza con palabras curtas, aquelas que conteñen unha soa vogal, pero vai aumentando de forma sonora coas súas rimas o número de vogais que podes ir unindo para formar palabras máis grandes. Dende o A ata o U, o autor constrúe palabras en pequenas poesías para que os máis cativos se familiaricen co uso das vogais. As ilustracións son moi coloridas e contribúen a crear semellanzas entre os debuxos de obxectos cotiáns e as  letras que o conforman, fomentando así o interese dos cativos sobre os debuxos, para que encontren as vogais e as relacionen co obxecto ilustrado.

Potencialidades: este álbum permite traballar múltiples aspectos que inciden na adquisición da linguaxe. A construción poética asenta no son das vogais, na recreación de formas e na composición de palabras, que van progresivamente graduando a dificultade, dende as monosílabas ata as trisílabas. Salienta tamén a recreación visual nas propias ilustracións, que integran as vogais como un elemento icónico máis, o que redunda no recoñecemento visual das súas formas para os nenos e nenas que están a se familiarizar con estes elementos do abecedario. Salienta a perspectiva lúdica e os diferentes xogos sonoros e visuais que se recrean ao longo da obra, que lle dan vida ás letras e integran elementos figurativos marcados polo humor e o estilo marcadamente persoal de Óscar Villán.  

Recursos:
É de gran interese revisar outra obra deste autor pola intratextualidade que ten coa presente.
  • Rubio, Antonio (2014). Violín. Ilust. Óscar Villán, trad. Manuela Rodríguez.  Pontevedra: Kalandraka, col. Do berce á lúa, [14 pp.]. (ISBN: 978-84-8464-855-0).

luns, 19 de marzo de 2018

O ganapán das palabras

https://lh6.googleusercontent.com/847z_YwgNcW123wKxMNtF0TMimGqOHX9No28heOt8ayhkwpVrw18EfTfAIEpUfm0EQFO6lJeLkk8KakkX5SJ7hf1BOG61Pe_jSuxS3zvvwJSH8_b9Sk8EutTghhlG3QcnlaYvRHd




Cáccamo, Pepe (2016).Ganapán das palabras. Ilust. María Xosé Fernández. Pontevedra: Kalandraka editora, col. Demademora, [26 pp.], (ISBN: 978-84-8464-917-5).

Breve descrición de formato e contido:  álbum ilustrado, cun tamaño de 22 x 22 cm  e feito de tapa dura. Esta é unha edición especial publicada con motivo do dezaoito  aniversario da primeira edición e coa que Kalandraka quere recuperar unha obra emblemática da Literatura Infantil e Xuvenil galega que segue tendo plena vixencia.
Na cuberta  e na contracuberta atopámonos con imaxes de laranxas durmindo e o título está inscrito dentro  dun ganapán, redundando no sentido do propio título. Xógase de forma suxestiva coas palabras xa dende o título, que forma un anagrama coa vogal A: “Ganapán das palabras”. As gardas representan a media ducia de laranxas durmindo, que van enmarcadas entre dous signos de interrogación e que semellan representar a un neno.
Ao comezar o conto encontrámonos cun neno que tiña cen palabras envoltas en papel de celofán. As ilustracións do interior do libro son moi coloridas e visuais, de estilo ecléctico e vangardista e destacan polo seu carácter expresionista, os contrastes cromáticos e os xogos entre as formas e as letras. O conto ofrécenos unha divertida historia rimada sobre cinco palabras aventureiras que caen nun espello e vólvense do revés. Pedra, cama, laranxa, lúa, pan... Que pode ocorrer? Que se volven do revés. E como as imos ler nós entón??? Con rimas nos versos todo pode suceder.

https://lh5.googleusercontent.com/aacZkBMgwrYJ4RzkR6YWPpxVWXMGNhI4xMmd8i52VQEAwqBJBJiU9ytaAbdbbD80zV9SB_Mn7G6RFgo-maolrugo9Kfh8gDx5XDaRbnHLCZYAxc2-iXQuDUwcrhAKv88XzQvjB5e

Pontencialidades educativas: a través da poesía e da rima favorécese a socialización e os procesos de crecemento e aprendizaxe dos/as nenos/as Estes  xogan a través do libro cos versos e cos inversos, aprenden palabras novas, adquiren o significado das palabras e usan a súa imaxinación. Desta obra poética pódese gozar a calquera idade, xa que con ela podemos favorecer a creatividade das crianzas, ampliar vocabulario, coñecer os mecanismos e funcionamento da lingua, gozar do ritmo e a rima de cada composición e das ilustracións que as acompañan.

Recursos :
É de gran interese visitar e revisar este artigo e esta páxina web:
  • Roig Rechou, Blanca-Ana, Neira Rodríguez, Marta e Agrelo Costas, Eulalia (2009). A poesía no século XXI en Galicia. En Blanca-Ana Roig Rechou, Isabel Soto López e Marta Neira Rodríguez (coords.). A poesía infantil no século XXI (2000- 2008). Vigo: Edición Xerais de Galicia / LIJMI, pp. 77- 108.
  • Nesta páxina web pódese encontrar distintos tipos de recursos de literatura  popular infantil : Orella pendella













¿Qué sueña Eugenia?




Hilario (2007). ¿Qué sueña Eugenia? Ilust. Loti Scagliotti. Girona: Editorial Pujol y Amadó,
col. Cuentos para los más bajitos, [11 pp.]. (ISBN: 84-96448-11-8).

Descrición de formato e contido:
volume encadernado en cartoné, de tamaño cuadrangular (13 x 13 cm). É un álbum
ilustrado de carácter poético que pon aos máis pequenos en contacto precoz coa estrutura
poética. Ofrece unha experiencia lectora que esixe a implicación do lectorado para a produción
de sentido, á vez que regala ilustracións alegres e coloridas, pintadas a acuarela. O contido do
texto vai acorde coas escenas representadas e nel nárranse as aventuras de Eugenia, unha nena
caracol, que leva a súa casiña ás costas como todos os demais caracois, aínda que iso non
impide que poida soñar. A súa imaxinación levara a por lugares magníficos, como polos
Campos Elíseos de París, as máxicas pirámides de Exipto, o Big Ben de Londres…, e mentres
viaxa soñando síntese  tan lixeira coma unha folla, a cal usa como medio de transporte.
Eugenia enche os seus ollos asombrados con todos estes magníficos lugares, ata que unhas
sonoras badaladas a espertan. Pero moi pronto Eugenia volverá viaxar e invitará aos máis
pequenos a viaxar con ela.


Potencialidades educativas:
con este conto podemos traballar a poesía e a rima dun xeito sinxelo, doado de entender.
Ademais permite, comezar a coñecer lugares fascinantes que poderán identificar a través
das imaxes inconfundibles e cheas de color. Despois destes descubrimentos, os lectores non
perderán a oportunidade de investigar e coñecer outros lugares interesantes. Eugenia viaxa
polo mundo a través dos soños, incidindo en que se potencie que os máis pequenos usen a
súa imaxinación (a cal pode transformarse nunha aventura marabillosa), e que para viaxar,
en ocasións, non fai falla nada máis que a nosa propia mente.

Recursos de interese:
Dentro da colección “cuentos para los más bajitos” e creados polo mesmo autor, podemos
atopar os seguintes títulos:
Hilario (2006). El escarabajo encuentra un atajo Ilust. Loti Scagliotti. Girona: Editorial
Pujol y Amadó, col. Cuentos para los más bajitos, [11 pp.]. (ISBN: 978-84-96448-12-4).

Hilario (2006). Este sapo no es de trapo Ilust. Loti Scagliotti. Girona: Editorial Pujol y
Amadó, col. Cuentos para los más bajitos, [14 pp.]. (ISBN: 978-84-96448-10-0).

Hilario (2006). Tito y el mosquito Ilust. Loti Scagliotti. Girona: Editorial Pujol y Amadó, col.
Cuentos para los más bajitos, [14 pp.]. (ISBN: 978-84-96448-09-4).

xoves, 15 de marzo de 2018

Adivinanzas de miedo



Crozon, Alain (2000). Adivinanzas de miedo. Ilust. do autor, trad. Teresa Tellechea. Madrid: SM, col. Adivina, [14 pp.]. (ISBN: 978-84-6758-233-8).


Breve descrición do formato e contido da obra: álbum ilustrado poético e en lingua castelá. É de formato rectangular, ao presentar un tamaño de 12,3 x 3,10 cm. A cuberta e a contracuberta son de tapa dura de cartoné. Na cuberta aparece unha bruxa máis o sombreiro. As imaxes que nos mostra son coloristas e pensadas para chamar  a atención dos nenos e nenas. Este autor, ademais conta con outros libros de adiviñas como: ¿Que es? ¿Que son?, ¿Quien soy?, Adivinanzas de Navidad, ¿Que tienen?, Los deportes, ¿Que es esto?, ¿Que hacen?, Los instrumentos musicales, ¿Que rueda? ¿Que vuela?, ¿Quien soy?

O volume que nos ocupa  está composto por vinte e unha adiviñas de medo. As ilustracións están construídas como pistas para que os  nenos e nenas descubran a resposta, ao mostrar unha parte do obxecto, animal ou ser fantástico sobre o que xira o enigma da composición poética. Ao levantar a solapa, descóbrese a  solución. O texto das adiviás aparece nas páxinas pares e a imaxe coa solución debaixo nas impares.


Potencialidades educativas: os nenos e nenas con este libro de adiviñas deixarán voar a súa imaxinación intentando descifrar a resposta e desenvolverán mellor a súa comprensión lectora. Ademais aprenderán e ampliarán o seu  vocabulario e estruturas lingüísticas máis sofisticadas, que contribúen ao desenvolvemento do pensamento abstracto, a establecer relacións co mundo que os rodea e a gozar coa linguaxe e as súas posibilidades. Este libro ademais é moi bo para que os nenos e nenas perdan o medo a certas cousas (vampiros, monstros...) que os poidan aterrorizar.

Recursos de interese:
  • Crozon, Alain (2014). ¿Que es? ¿Que son?. Ilust. do autor, trad. Teresa Tellechea. Madrid: SM, col.Adivina, 18 pp. (ISBN:  978-84-675-6260-6)

  • Crozon, Alain (2012). ¿Quien soy?. Ilust. do autor, trad. Teresa Tellechea. Madrid: SM, col.Adivina, 54 pp. (ISBN: 978-84-675-5641-4)

  • Crozon, Alain (2014). Adivinanzas de Navidad. Ilust. do autor, trad. Teresa Tellechea. Madrid: SM, col. Adivina, 16 pp. (ISBN:  978-84-675-7363-3)

  • Crozon, Alain (1999). ¿Que tienen?. Ilust. do autor, trad. Teresa Tellechea. Madrid: SM, col.  Adivina, 12 pp. (ISBN: 978-84-348-8111-2)

  • Crozon, Alain (2000). Los deportes. Ilust. do autor, trad. Teresa Tellechea. Madrid: SM, col.  Adivina, 16 pp. (ISBN: 978-84-348-9537-9)

  • Crozon, Alain (2000). ¿Que es esto?. Ilust. do autor, trad. Teresa Tellechea. Madrid: SM, col.  Adivina, 12 pp. (ISBN: 978-84-348-5642-4)

  • Crozon, Alain (1999). ¿Que hacen?. Ilust. do autor, trad. Teresa Tellechea. Madrid: SM, col.  Adivina, 12 pp. (ISBN: 978-84-348-8110-5)

  • Crozon, Alain (2003). Los instrumentos musicales. Ilust. do autor, trad. Teresa Tellechea. Madrid: SM, col.  Adivina, 16 pp. (ISBN: 978-84-348-9536-2)

  • Crozon, Alain (2000). ¿Que rueda? Ilust. do autor, trad. Teresa Tellechea. Madrid: SM, col. Adivina, 12 pp. (ISBN:  978-84-348-6302-6)

  • Crozon, Alain (2000). ¿Que vuela?. Ilust. do autor, trad. Teresa Tellechea. Madrid: SM, col.  Adivina, 12 pp. (ISBN: 978-84-348-6300-2)