En familia

Maxeiner, Alexandra (2010). ¡En familia! Ilust. Anke Kuhl, trad. Rosa Marta Gómez. A Coruña: Hércules de Ediciones, [28 pp.]. (ISBN: 978-84-945896-8-3).

Breve descrición do formato e contido da obra: álbum ilustrado literario de tapa dura e formato rectangular de 28 páxinas, que foi recoñecido co Premio Nacional de Literatura Infantil e Xuvenil de Alemaña 2011 ao libro de non ficción. Na cuberta podemos ver unha serie de persoas de diferente idade coas súas mascotas e debaixo deles unhas etiquetas que os identifican. Na contracuberta encóntrase unha nai, un pai e unha filla celebrando o aniversario da pequena. As gardas están cheas de cara de moitas persoas diferentes unidas entre si por liñas azuis. O libro conta con numerosos debuxos, a maioría de familias, que van acompañados de frechas ou bocadillos de cor azul que axudan a entender o texto.

Ao longo do volume expóñense os distintos tipos de familia que existen, as súas características e moitos detalles sobres elas. Comeza explicando dende unha familia de animais ou as familias na Idade de Pedra ata as familias de pais separados ou familias onde os pais teñen o mesmo xénero. Ao final do libro aparece unha páxina en branco para que o lectorado poida explicar como é a súa familia.

Potencialidades: a principal potencialidade deste libro é servir como guía, na cal de maneira sinxela e divertida se expón e explican todos os tipos de familia. Desta forma transmite que cada familia é única, sexa como sexa, e reflicte a realidade social. Polo tanto abórdase con humor e naturalidade a diversidade de familias, fomentando unha visión respectuosa sobre os diferentes modelos familiares.

Recursos:

Calvo, Virginia (2014). “En familia’, de Alexandra Maxeiner y Anke Khul”, Literatura Infantil y Educación Literaria, en http://literaturainfantileduliteraria12.blogspot.com.es/2014/01/en-familia-de-alexandra-maxeiner-y-anke.html (consultado o 06/03/2018).

 Fusté, Rosa M. (2012). En Família!, en https://www.youtube.com/watch?v=JxQY5-wJSEU (consultado o 06/03/2018). Video en youtube del canal CanalBibCambrils.
Takatuka, la isla de los libros (s.d.). “¡En familia”, en http://www.takatuka.cat/llibre.php?otro_idioma=cas&id_otro_idioma=63 (consultado o 06/03/2018).