El libro de los abrazos

Genechten, Guido Van (2010)- El libro de los abrazos. Ilustr. do autor. Madrid, SM[22 pp]. (ISBN: 987-85-675-3789-5)

Breve descrición do formato e contido da obra: conto de formato pequeno e cadrado, onde todas as páxinas son consistentes e do mesmo grosor. Na cuberta aparece o título da obra e algúns dos personaxes, que van adiantando o contido do relato. A historia comeza  cando un neno chamado Juan  lle pide unha aperta á súa nai. A partires de aí comeza unha sucesión de situacións afectivas entre membros de diferentes especies (normalmente unha nai e fillo/a) que ocupan as dobres páxinas do volume. As ilustracións figurativas destacan as súas cores cálidas, a expresividade dos rostros e os contornos en negro que as definen e enmarcan.. Salientan tamén os xogos tipográficos nos que se adoptan letras de maior tamaño para os termos asociados á afectividade, marcada fundamentalmente polos adxectivos que caracterizan as diferentes formas de abrazar.  

 

Potencialidades educativas: este conto amósanos a importancia que ten dar e recibir cariño para un neno/a, sobre todo no seu núcleo familiar e por parte das  persoas de referencia. O conto tamén serve  para relatar as diferentes formas que hai de abrazar e as diferentes formas que hai de amosar os nosos sentimentos sen necesidade de que sexa por medio de palabras. Ademais de potenciar o ámbito dos sentimentos no cativo, tamén serve para traballar co mundo dos animais, que son os principais protagonistas das páxinas deste libro.

Recursos en liña:

·         É un vídeo no que se le o conto aos nenos de maneira tranquila e pausada. 

• YouTube. (2018). Libro infantil - El libro de los abrazos - Lectura para bebés y niños pequeños - Guido Van Genechten. Recuperado o 9/03/2018 de: https://www.youtube.com/watch?v=LvCaF_Ub6HY