A filla do Grúfalo

Donaldson, J (2014), A filla do Grúfalo. Ilust. Axel Scheffler. Trad. Piño Saéz e Laura Sáez. Pontevedra: Patasdepeixe, [30 pp.]. (ISBN:978-84-939350-5-4). 

Breve descrición do formato e contido: álbum ilustrado, de forma rectangular (27,5x22cm) e de pouco volume. Consta dunha cuberta e unha contracuberta de tapa grosa. Na cuberta amosásenos ao Grúfalo coa súa filla no colo nunha fraga nevada. Na parte superior encóntrase o título en letras prateadas e, na parte inferior, os nomes dos autores e ilustradores en cor negra. Tamén se amosan dúas formas de ver ao rato, por un lado na parte esquerda enfadado e tallado nunha pedra e, na parte dereita, dunha maneira amigable agochado detrás dunha árbore. Na contracuberta, preséntase o nome da editorial no mesmo fondo da fraga nevada cunha lúa. Pola chan, na neve, aparecen as pegadas de dous animais. As gardas son de cor vermella na súa totalidade. A portada ensínanos unha imaxe da filla do Grúfalo que se encontrará mais adiante. Na parte superior está o título, e na inferior o nome da autora, do ilustrador e da editorial. 

As ilustracións son orixinais, alegres e imitan a pintura ao óleo en tons escuros. Aínda que o monstro é un ser imaxinario, a través das ilustracións da paisaxe apórtanlle realidade. O texto móstrase indistintamente tanto na parte superior como na inferior de todas as páxinas. Con texto rimado, con forza narrativa, con humor, con amor. A filla do Grúfalo é moi inqueda e precisa ver o mundo cos seus propios ollos, porque non lle son suficientes os consellos que lle da seu pai sobre o rato feroz. As súas ansias lévana a descubrir os diferentes animais da fraga, ás veces pasando incluso medo pero aínda así consegue o seu obxectivo, coñecer ao rato feroz.  

Potencialidades educativas: é un libro onde se entrelaza a imaxinación coa realidade. A mensaxe desta historia baséase en que a forza e a violencia non son armas útiles ante o perigo, senón a intelixencia e a astucia. Entre os temas de interese que podemos traballar con este libro están a familia, a desobediencia e a valentía. 

Recursos: 

• Gruffalo world (2015). Gruffalo World - The Gruffalo's Child Clips Compilation. Recuperado de https://www.youtube.com/watch?v=ZOZ87BTZuZQ 

Es ti o meu amigo?

Soldado, Magda, Es ti o meu amigo? (2007). Ilust. Jacobo Muñiz,-A Coruña: Baía Edicións, col. Xiz de Cor, [30 pp.]. (ISBN:978-84-96526-96-9).

Breve descrición de formato e contido: álbum ilustrado de tapa branda cunhas dimensións de 25 x 25 centímetros. Na cuberta pódese observar o coello Dentón sentado nunha pradeira e na contracuberta a continuación da pradeira. As ilustracións posúen un carácter figurativo e están realizadas con pintura de ceras de cores cos contornos redondeados e de liñas finas, así como os trazos dos diferentes animais están debuxados moi suavemente con liñas delicadas. Nos personaxes están debuxados con cores claras e cálidas. A pesar de que, nunha páxina do álbum onde aparecen unhas bestas,están ilustradas con cores fríos e fondos escuros para representar o medo e a inseguridade. Esta historia presenta unha estrutura tradicional de presentación, nó e desenlace e está contada por un narrador omnisciente, por medio dun breve texto de frases sinxelas, na qué tamén interveñen os personaxes da historia, os animais.

O álbum recolle a historia de Dentón, un coello que sofre unha catástrofe, un día inúndase a súa casa e non encontra forma para resgardarse do frío e das bestas ata conseguir amañala. Dentón cría que calquera dos seus amigos lle darían cobixo pero todos lle puñan excusas. O coello deuse por vencido, cando de repente o pequeno ratiño Pedriño dille que se quere pode quedar na súa casa. O problema apareceu cando se dan conta de que a casa de Pedriño e moi pequena, pero tras moito esforzo, conseguen que Dentón entre nela. Así é como Dentón comprende que non se pode chamar amigo a calquera.

Potencialidades educativas:  Ademais de traballar o valor da amizade, tamén fomenta o traballo en equipo, o compañeirismo e a empatía. Pola súa contra tamén trata de facer entender ao neno/a que hai que ter cuidado coas relacións, e non fiarnos sempre das apariencias, como mostra a metáfora do ratiño Pedriño. Tamén se pode considerar como un libro interesante a hora de traballar a autoestima e a superación. Isto vémolo plasmado no protagonista principal, pois nun primeiro momento séntese aterrado ao ver que as bestas o van comer e non pode voltar a súa casa, pero tras meditalo e sacarlle valor consegue o seu obxectivo.
Por outra parte, apréndense coñecementos acerca de diferentes tipos de animais, da súa alimentación, hábitat, tamaño...

¡Que llega el lobo!

Jadoul, Émile (2003). ¡Que llega el lobo! Ilust. do autor, trad. P. Rozarena. Zaragoza: Edelvives, col. Luciérnaga, [22 pp.], (ISBN: 978-84-2635-010-7).

Breve descrición do formato e contido: álbum ilustrado en cartoné traducido ao español de 27x15 cm. Na cuberta móstrase ao lobo nun bosque e, ao lonxe, a casa na que se refuxian o resto dos animais. Na contracuberta aparecen os títulos das outras obras que forman a colección no medio dunha paisaxe formada por árbores e paxaros. No seu interior, as ilustracións situadas nas páxinas da dereita, acompañan ao texto que vai narrando a historia situado na páxina da esquerda. Están compostas por debuxos con trazos ben delimitados e cores alegres propias dun entorno de natureza e de festa. O texto está escrito en letras maiúsculas na súa totalidade e mestura narración con frases que din os diferentes personaxes que aparecen na historia. Cabe destacar a abundancia das oracións exclamativas que serven para darlle un toque de intriga e emoción ao narrado.

Na obra, un grupo de animais, van á casa de Gran Cervo antes de que chegue o lobo. Durante toda a historia, semella que este personaxe vai comer aos outros, pero en realidade, están a prepararlle unha festa sorpresa de aniversario.

Potencialidades educativas:

A principal potencialidade é a eliminación dos prexuízos xa que, durante o transcurso da obra, a idea que os lectores teñen é a de que o lobo vai comer ao resto dos animais. Este feito está baseado nos contos populares como Carapuchiña Vermella ou Os tres porquiños.

Ademais, é un  bo instrumento para falar sobre a amizade, a importancia que esta ten para a creación dunha boa autoestima e a necesidade do ser humano de establecer relacións sociais. Os detalles axudan a conservar as amizades, aínda que o máis importante son os aspectos non materiais como por exemplo pasar un bo rato xunto coas persoas que apreciamos. Pódese observar tamén que as diferenzas de razas entre os protagonistas non supoñen un problema. Aínda que cada personaxe é un animal distinto, todos se xuntan e colaboran para facer que o lobo se sinta querido e teña unha sorpresa agradable. Neste punto, pódese traballar cos nenos e nenas a relevancia do traballo cooperativo e a importancia de que cada unha das partes se implique  para levar a cabo unha tarefa. Deste xeito, os nenos e nenas aprenderán a ser conscientes dos seus actos e poderán converterse en individuos responsables e con boas habilidades sociais.

Finalmente, grazas á diversidade de animais presentes na obra, tamén se pode empregar como un recurso para coñecer a fauna e a flora dos bosques e doutros ecosistemas, realizando actividades lúdicas para a aprendizaxe ou o descubrimento dos diferentes animais que existen.

Recursos de interese:

·   Marzaninfantil Marzan (2013):

https://www.youtube.com/watch?v=3eYmwZmSMyw  (Consultado 28/04/2018) Narración do conto cunha canción e interacción con nenos e nenas de 2 anos.

· Tapias, María (2017):

https://www.youtube.com/watch?v=ekGFGPxOElw (Consultado 28/04/2018). Videoconto acompañado por pictogramas narrado por unha muller e uns nenos e nenas dun centro de Educación Especial.

No colo de mamá

Evans, April T. (2006), No colo de mamá, ilust. Michelle López, trad. Manuel Ramos, Ourense: Ediciones Linteo, [34 pp.]  (ISBN: 978-84-96067-79-0).

Descrición do formato e o contido: álbum ilustrado de formato rectangular (26,8 x 22,22cm) e moi atractivo a primeira vista. Na cuberta podemos observar unha muller cun meniño, os dous cun sorriso que nos predispón a entender que o tema central da obra é o amor da familia. Ademais disto pódese atopar un breve resumo da colección á que pertence a mesma que é bilingüe, xa que o texto que acompaña ás imaxes ao longo da obra se presenta en galego e inglés.

En canto á descrición do interior, amósanse unha morea de imaxes de cores amarelas, verdes, laranxas e azuis intensos como, por exemplo, estrelas, arcos da vella que pretenden penetrar ao consumidor nun mundo onde a imaxinación e as cores cobran un dobre sentido, co que a autora pretende xogar de principio a fin. Pódese observar unha representación da relación que o protagonista, que non ten un nome (feito que permite que a imaxinación de cada un o personalice como ben lle pareza) expresa como se sente cando se atopa no colo da súa nai, ou ben do seu pai, da súa avoa e do seu avó, facendo comparacións con diferentes axentes da natureza. A obra está constituída por pouco texto acompañando ás ilustracións. Estas son, as que se atopan na páxina da esquerda, sempre en galego e, as que se atopan nas páxinas da dereita, sempre en inglés aportando certa musicalidade á hora da súa lectura, sexa quen sexa o narrador.

Potencialidades educativas: Como as emocións teñen moita importancia nos primeiros anos de vida dos cativos e cativas polo feito de ser o eixo central no desenvolvemento da personalidade e das relacións interpersoais de calquera un deles. O primeiro axente socializador que teñen como referencia para abrirse cara ó mundo exterior é a familia, así como para entendelo. A través desta obra, pódese traballar nalgún caso que se poida presentar a carencia de afecto que tan a miúdo se aprecia nalgúns cativos e cativas dentro das aulas ou na contorna de maneira xeral. Outra das potencialidades que presenta este álbum é a identificación co medio natural como axente identificador dos sentimentos. O nexo entre sensibilidade e natureza fai achegar dun xeito novo á necesidade de sentirnos parte daquilo que nos rodea e que nos fai sentir ben.

Familia, amor, terra, medio ... son conceptos que a diario tanto se sinte e precisa ter nas nosas vidas. A palabra COLO esixe como non pode ser doutra maneira, lerlle ós cativos e cativas dun xeito amoroso cada frase e parágrafo que integra esta marabillosa obra.

Astro-rato e Lampadiña: Parece que orballa!

Solís, F. (2017). Astrorato e Lampadiña: Parece que Orballa! Ilust. do autor. Santiago de Compostela: El Patito Editorial, 60 pp. (ISBN: 978-84-945512-9-1).

Breve descrición do contido e forma da obra: Álbum de viñetas de forma rectangular (21 x 29 cm) coas tapas brandas. Na cuberta obsérvase unha imaxe dos dous protagonistas da historia acompañados dun dos principais antagonistas. Asimesmo, o fondo sobre o que se plasman os personaxes fai entrever a forma do planeta no que transcorre a historia. Por outra banda, a cuberta conta cunha solapa que se a abrimos, por un lado vemos outra instantánea dos protagonistas, mentras que pola parte de dentro, podemos observar un xogo de mesa a partir do percorrido que teñen que seguir os protagonistas para cumprir a súa misión.

Polo que respecta a contracuberta, non garda relación cromática coa cuberta aínda que nela tamén aparecen os protagonistas. Ademais, faise un resumo da historia que se conta no interior e preséntanse dous títulos máis que compoñen a colección. Por ende, tamén conta cunha solapa que ao abrila, vemos unha fotografía do noso heroe e detrás desta, aparecen dúas estampas para colorear dos protagonistas, unha delas na que se enfrontan a un dos monstros que se atopan e outra cando son felices e volven á súa casa.

O libro presenta unha falsa garda na que aparecen Astro-rato e Lampadiña chocando as mans. En canto as gardas do principio, observamos unha fotografía do antagonista da historia que está amedrentando aos protagonistas, deixándose entrever que se trata dun monstro semellante a unha pataca con 5 ollos cunha boca moi grande. Pola contra, na garda final expóñense outros títulos do propio autor acompañados dunha fotografía de Astro-rato

A portada da obra recolle o título do libro e fai referencias ao autor do mesmo. O contido da obra céntrase en describir as aventuras de Astro-rato e Lampadiña que teñen lugar por diferentes planetas, nas cales se teñen que enfrontar a espantosas criaturas tales como o monstro Ciclópeo ou Patacator e das que trataran de saír vivos para conseguir a súa misión; sendo esta nun primeiro momento comprobar  se a lúa era certo o que dicían e estaba feita de queixo. Non obstante, debido a diferentes contratempos e por problemas que tiveron coa nave na que viaxaban ao quedarse sen combustible, tratarán por todos os medios conseguir chegar ao planeta terra do que proveñen.

Potencialidades da obra: É un libro axeitado para traballar en Educación Infantil con nenos e nenas a partir dos 4 anos. Grazas ás viñetas e o pouco texto que ten, resulta moi sinxelo de entender. Asimesmo, pódese utilizar como ferramenta didáctica e empregarse para dramatizar as vivencias dos personaxes ao ter moitos personaxes aos que dar vida.

Tamén se pode considerar como un libro interesante a hora de traballar a autoestima e a superación. Isto vémolo plasmado nos dous protagonistas principais, pois nun primeiro momento sentense aterrados e ven que non poden volver á terra, pero que tras meditalo e encherse de valor, farán o que falta para cumprir o seu obxectivo principal.

Por último, con esta obra podemos ensinar a todos os nosos alumnos a superarse a un mesmo e tratar de facer fronte as adversidades que se nos van presentando ao longo das nosas vidas, introducíndonos na mente de Astro-rato e Lampadiña e ver como eles son capaces de facelo.

Azul e rosa

Pillado, Ana (2009), Azul e Rosa. Vigo: A Nosa Terra, col. Lila Lilaina, (+ 3 anos).[24 pp.] (ISBN: 978-84-8341-064-6).

Breve descrición do formato e contido da obra: Álbum ilustrado literario de tipo  narrativo e en lingua galega que nos conta unha historia da vida cotiá dirixida a nenas e nenos maiores de 3 anos. Os protagonistas son Lila e Pilo, dous irmáns que nos amosan unha realidade da vida cotia. Tanto cuberta como contracuberta forman unha única imaxe, na cuberta a metade do libro cara arriba e rosa e a metade do libro cara abaixo e azul, no medio aparece unha nena cunha vestimenta de moitas cores e estampados, e o pelo de cor violeta.vestido e uns zapatos de cor rosa e na marxe dereita cara arriba aparece o titulo da obra escrito en tres cores 8azul, branco e rosa e o nome da autora e debaixo a editorial. Na contracuberta a imaxe continúa xa que a nena aparece suxeitando tres globos de distintas cores 8amarelo, verde e vermello). Ao longo do conto podemos atopar imaxes con texto en ambos lados, no esquerdo e no dereito, as imaxes que acompañan ó texto son de moitas cores, unhas máis claras e outras máis escuras e destacan por a diversidade de estampados que aparecen na roupa dos personaxes, isto fai que parezan máis auténticos. Ao final do libro atopamosnos cunha folla onde aparecen os protagonistas espidos e na outra aparecen debuxos da vestimenta, unhas de cor azul, branca e rosa e outras de cor branca para que as nenas e nenos podan pintar da cor que eles queiran. O álbum cóntanos a historia de dous irmáns Lila e Pilo. Un día calquera reciben a visita dos seus avós que lles traen un agasallo para cada un. Cando Lila abre o agasallo ve unha bufanda e un gorro de cor rosa e Pilo recibe o mesmo, pero de cor azul. Ambos se amosan moi agradecidos cos seus avós, pero Lila pregunta porque todas as cousas que lle regalan son de cor azul, pois a ela gústanlle todas as cores. O avó respóndelle que o rosa e unha cor que favorece moito as nenas, pero Pilo di que a el tamén lle gusta. Lila e Pilo explícanlle aos seus avós que todas as cores lle sentan ben a calquera persoa. Os avós paran a pensar e o avó recoñece que sempre quixo ter un xersei de cor rosa e a avoa un chapeu azul. Finalmente os dous imáns acaban intercambiandose os agasallos e axudan aos seus avós a pintar a súa casa de moitas cores.

Potencialidades: O que trata de facer a autora con este libro e cuestionar certos símbolos, costumes e hábitos sobre a separación entre o sexo masculino e feminino. A finalidade que ten a obra e poder erradicar os estereotipos de xénero e favorecer a liberdade e a igualdade entre ambos sexos, intentando suprimir a clasificación establecida por a sociedade de que o azul e para os nenos e o rosa para as nenas. No conto podemos observar como son os dous irmáns quenes lle dan unha lección aos máis maiores e lles axudan a que se liberen deses pensamentos sexistas que tiñan marcados pola sociedade. Con este libro podemos ensinarlle as nenas e nenos que non hai unha cor destinada a un determinado sexo senón que todas e todos podemos usar todas as cores.

Teo va de campamento

Denou, Violeta (2000). Teo va de campamento. Ilust. Da autora. Barcelona: Timun mas, col. Teo descubre el mundo, [ idade +3 anos], [ 32pp], ( ISBN: 978-84-4800-061-5).

Breve descrición do formato e contido: Álbum ilustrado literario de tipo narrativo e en lingua castelá, que nos conta historias da vida cotiá dirixidas a nenos e nenas maiores de 3 anos. O protagonista é Teo un neno que nos conta as súas peripecias. Tanto cuberta coma contracuberta forman unha única imaxe, na cuberta aparece un grupo de nenas e nenos ao redor dunha fogueira, na parte superior o título do libro e colgado da última letra deste o protagonista da historia, debaixo do título o nome da autora. A garda do comezo forma unha imaxe completa, na garda da páxina da dereita está o título do libro e na garda da páxina esquerda están os datos do libro, mentres que nas gardas do final unha guía didáctica do conto. Ao longo do conto aparecen diferentes imaxes acompañadas dun texto sinxelo que axudan a comprender mellor a lectura. Os elementos que aparecen ao longo de toda a narración son realistas, relacionados coa vida cotiá. Todas as páxinas forman unha soa imaxe e escena. O texto aparece na marxe superior esquerda ou dereita ou na inferior esquerda ou dereita. O álbum conta a historia de Teo un cativo que vai coas súas amigas e os seus amigos e monitoras/es uns días a un campamento, disfruta do aire libre,  da natureza e de diversos xogos e actividades, en todos os momentos tanto nenas coma nenos desempeñan todas os labores necesarios para sobrevivir uns días no campo.

Potencialidades:  A finalidade didáctica da lectura é coeducativa, é dicir, inculcarlle uns valores ás nenas e nenos nos que o rol que desempeña a muller de forma tradicional na vida cotiá cambia. Durante todo o libro tanto nenas coma nenos desempeñan labores como montar o campamento, colocar a mesa e lavar a roupa. Os contos son un bo recurso para traballar cos máis pequenos a igualdade de xénero en todos os ámbitos. Con este libro axudase a nenas/os a construír a súa personalidade e a socializarse, inculcando valores e ideas. Con este conto, traballarase a identidade de xénero e, a igualdade entre ambos sexos.  Un modelo de ensino alternativo ao anterior modelo educativo que era o tradicional. A través de referentes coeducativos búscase que as nenas e nenos dende pequenas sexan consideradas diferentes, pero non desiguais.

Referencias bibliográficas:

Guía didáctica de planeta lector https://planetalector.com/system/files/libro/guias/guia_teo_va_de_campamento.pdf data de consulta 27 de Abril de 2018

Por que? NIKOLAÏ POPOV

Popov, Nikolai (2018). Por que?. Ilust. del autor. Pontevedra: Kalandraka, col. Tras os montes (40pp.). ISBN 978-84-8464-367-8.

Breve descripción del formato e contenido de la obra: álbum ilustrado visual, sin palabras, excepto la última doble página, de tapa dura y encuadernado en cartoné, con unas dimensiones de 19 x 23,5 cm. En la cubierta podemos observar a una rana verde sentada en una piedra en medio de la naturaleza y con una flor entre los pies. Se humaniza a la rana jugando con sus proporciones, haciéndole adquirir una posición bípeda y vistiéndola. Las guardias del libro utilizarán el cromatismo verde que se mantendrá a lo largo de la historia. El o la  protagonista de la ilustración porta entre sus pies una cala de color blanco, objeto causante de la discordia en el interior del libro. Pese al suave cromatismo de la parte central y superior de la portada, en la zona inferior pueden observarse flores difuminadas y hierba ennegrecida, avanzándonos las funestas consecuencias que tendrá la acción que se desarrollará más adelante. La tipografía del título así como su cromatismo negro destacan en un apacible fondo celeste. Por lo que respecta a la contracubierta, el cielo celeste casi blanquecino ocupa tres cuartas partes de la ilustración y en la parte inferior se observan las consecuencias de la guerra acontecida a lo largo de las páginas del cuento. Sin embargo, en ese prado que antes era verde y ahora destaca por su oscuridad casi negra se enfatiza por su luminosidad y su tonalidad verde la presencia de una única flor que ha sido capaz de sobrevivir a la guerra y que simbolizará la esperanza. En el centro de la imagen puede leerse un breve texto firmado por el autor en el que se explicita la finalidad de la obra: “Si los niños y las niñas pueden entender la insensatez de la guerra, si se dan cuenta de lo fácil que es caer en un ciclo de violencia, quizás en el futuro se conviertan en impulsores de la paz. Nikolai Popov”.En cuanto a las ilustraciones, de continuidad, serán esenciales en esta historia puesto que al no estar acompañadas de un texto que guíe la interpretación del lector deberán ser los suficientemente explícitas y expresivas para que el lector haga una correcta interpretación de las mismas. La historia transcurre en el espacio exterior, un campo el que priman los tonos verdosos, que se van oscureciendo, y aparecerán tonos rojizos y anaranjados que representan los estallidos y fuegos provocados por la maquinaria bélica (zapatos y troncos con ruedas) a medida que va avanzando la acción y la disputa va aumentando hasta desembocar en una devastadora guerra. En la primera ilustración aparece una rana en un estado apacible sobre una roca en medio de una naturaleza frondosa, pero esa tranquilidad prontamente se verá truncada  con la aparición de una rata o un ratón a través de un agujero en la tierra portando un paraguas cerrado que rápidamente abrirá. La envidia del ratón o de la rata iniciará una contienda con la rana al colonizar el lugar en el que esta estaba y arrebatarle su flor. Esta trifulca irá en aumento al implicar a más personajes estableciéndose dos bandos fácilmente reconocibles: los roedores y los anfibios. Las dimensiones de ese conflicto les llevará a destruirse y a destruir el entorno en el que se encontraban, dando lugar a una ilustración de la rana situada en el mismo lugar en el que se encontraba al comienzo y en la parte superior de la misma se encontrarán el único texto del cuento: “Por que?”.  

Potencial educativo: Esta historia, carente de texto, favorecerá a estimular la imaginación de los niños. La ausencia de un apoyo escrito les alentará a tener un papel activo durante la lectura, siendo ellos mismos los creadores de su propio cuento, pudiendo así imaginar qué es lo que está aconteciendo y planteándose qué mueve a los distintos personajes a entrar en conflicto. Asimismo, ejercitará su lectura visual y su capacidad de decodificar imágenes. A través de este cuento y del texto final se invitará a los niños a reflexionar sobre los conflictos y podrán trasladar dicha reflexión a disputas de diversa escala que pueden ir desde las riñas de los que son protagonistas hasta las guerras de las que son víctimas otras personas en diferentes partes del mundo. Con ello se tratará de reflejarles el sinsentido de la actividad bélica, ayudándoles a desarrollar un juicio crítico y se tenderán puentes a la autorreflexión, a la reflexión compartida, al diálogo y sobre todo a la paz. Por otra parte, me parece muy interesante que no se le asigne género a ninguno de los personajes, dejando que sea el lector quien complete la historia y determine, si así lo considera, la identidad de cada uno de ellos.  

Recursos de interés:

Me parecen de gran interés los siguientes cuentos relacionados con la temática de Por que?:

• ·   Campanari, José (2017). Trenfugiados. Ilust. Evelyn Daviddi. Barcelona: Fragantina ediciones, (36 pp.). (ISBN: 9788416566198).
• ·         Darién, Juan (2009). A guerra dos números. Ilust. del autor, trad. María Luísa Núñez Álvarez. Pontevedra: OQO editora, col. Q, [41pp.]. (978-84-9871-154-7).

O valor da amizade

Del Río, C. e Gil, Mª J. (2004). O valor da amizade. Ilust. Carmina del Río. A Coruña: Baía Edicións, col Laura e compañía nº 9. [31 pp.]. (ISBN: 849612864-4).

Breve descrición do formato e contido da obra: Libro ilustrado en forma cadrada cunha dimensión de 20x20 cm. As páxinas son de papel normal a excepción das tapas que son de cartón brando. Na cuberta podemos observar a Laura, Uxío e Inés, tres dos personaxes da historia, sobre un fondo azul cunha lúa ó seu carón representando a noite. Na páxina número cinco aparece unha fotografía de todos/as os/as personaxes co seu nome debaixo para que os/as poidamos coñecer antes de comezar a ler a historia. Trátase dun libro que mantén a mesma estrutura ao longo do desenvolvemento da obra. En canto ilustracións, abarcan a totalidade das dúas páxinas, tanto as pares coma as impares. Estas imaxes son debuxos animados que están representados con cores chamativas có obxectivo de chamar a atención dos/as máis pequenos/as.

O libro narra a historia dun grupo de amigos que están planeando qué facer na fin de semana. A maioría dos membros do grupo decidiron facer unha carreira de sacos, mentres que outro compañeiro propuxo facer unha visita a un bosque. Como ninguén apoiou esta idea, enfadouse e decidiu facer a visita él só. Posteriormente, os seus amigos/as enteráronse de que se había perdido no bosque e decidiron xuntarse todos/as para ir a buscalo. Cando o atoparon abrazárono e éste díxolle aos seus compañeiros que tiña moita sorte de ter amigos/as coma eles/as xa que sempre estaban ó seu carón cando o precisaba.

No transcurso da obra, podemos observar que se fai unha distinción entre as cores empregadas para representar o día, que son máis claras, das que se empregan para representar a noite, que son máis escuras. Ademais, nas partes da noite aparece sempre un elemento característico da mesma que é a lúa. A expresión do rostro dos personaxes permítenos coñecer de contado os diferentes estados de ánimo nos que se atopan en cada momento aparecendo, a maioría das veces, cun sorriso como símbolo de felicidade. Ademais, todas as imaxes están relacionadas co que di o texto, facilitando a súa comprensión. En relación ó texto, atópase escrito en letra manuscrita e incorporan diálogos entre os/as personaxes para facilitar a comprensión dos mesmos. O texto aparece sobre as imaxes das páxinas pares, repetindo esta mesma estrutura ata o final da obra. Finalmente, na derradeira páxina atopamos unha serie de preguntas que se lle poden facer aos nenos/as.

Potencialidades: Este libro ten un dobre obxectivo; en primeiro lugar, pretenden motivar aos nenos/as para que adquiran hábitos de lectura grazas a súa presentación atractiva, caracterizada por uns textos sinxelos e uns debuxos cheos de tenrura que axudan a comprender a historia que se está narrando. O texto está escrito en letra manuscrita para que lles sexa máis doado de recoñecer as grafías. A estrutura e disposición do texto servirá para facilitar a asociación memorística dos/as nenos/as contribuíndo á aprendizaxe da lectura. En segundo lugar, mediante a lectura da obra, preténdese fomentar unha serie de valores primordiais para a convivencia e a sociabilidade. Grazas a este libro, os/as nenos/as poden coñecer da man dos personaxes cal é o valor da amizade, demostrando que os/as verdadeiros/as amigos/as son aqueles/as cos que pasas momentos moi divertidos pero tamén son os/as que están ao teu carón cando verdadeiramente os/as precisas. O libro recolle temas dos eixos transversais que a escola ten que traballar e, pódese empregar como unha ferramenta de aula para reforzar e ampliar estes contidos. Trabállanse aspectos do currículo como o son a cantidade, que aparece referida en termos como pouco ou moito; coñecen diferentes elementos do contorno próximo como o son os troncos ou regatos que pode haber nun bosque. Ademais, tamén nos permite traballar o concepto de día fronte o da noite, representando o día con cores máis claras e a noite con cores máis escuras e un elemento característico da mesma que é a lúa. Finalmente, o libro vai acompañado dun cuestionario para realizar despois da lectura, có obxectivo de reafirmar a observación e comprensión á vez que se potencia a expresión oral.

Recursos:

• Soulyluveful. (2012). Somos amigos cantajuego. Recuperado de: https://www.youtube.com/watch?v=VxCvJ-qgy1I (consultado o día 08-04-18).