Grejniec, Michael (2011). A que sabe a lúa?, ilust.
do autor, trad. Carmen Barreiro, Pontevedra: Kalandraka, col. Tras os montes,
[+3 anos], [26 pp.] (ISBN:
978-84-8464-625-9).
Breve descrición do formato e contido da
obra: Álbum ilustrado formado por 26 páxinas. O texto do
álbum vai na parte esquerda ou dereita de cada páxina de forma alterna sobre un
fondo branco e cunha páxina ilustrada sobre un fondo negro, onde se amosa unha
montaña cos protagonistas do conto intentando coller a lúa. O álbum contén unha
estrutura acumulativa progresiva, xa que a medida que transcorre a historia
podemos ver un animal enriba do outro segundo van aparecendo na historia, así
ata chegar ao final onde aparecen todos os personaxes.
Referido á encadernación, ten unha forma
rectangular, con cantos rematados en punta. As cubertas son de cartón duras
(cartoné). Na cuberta principal aparece o debuxo dunha lúa chea cun dos
protagonistas da historia, o título, nome do autor e a editorial, mentres que
na contracuberta aparece a lúa en forma minguante. Na última garda aparece o
último personaxe da historia (un peixe) falando. En canto á historia trata
sobre un grupo de animais que todas as noites observan a lúa co obxectivo de
probar o seu sabor. A tartaruga decidiu subir á montaña máis alta, pero aínda
así non chegou á lúa. Entón aparece o elefante que se pon enriba da tartaruga e
enriba del a xirafa e enriba dela a cebra e o lobomono.. ata que un pequeno
rato que estaba enriba de todos os animais e deu arrincado un anaco da lúa, que compartiu cos seus amigos.
Probárono e a cada animal sóubolle a aquilo que máis lle gustaba. Ao final da
trama aparece un peixe que lles di que non entende tanto esforzo por coller un
cacho de lúa, cando a lúa tamén se atopa na auga.
POTENCIALIDADES: O primeiro que se traballa é a importancia do traballo
en grupo, é dicir, a cooperatividade, e que grazas a ela se poden conseguir os
logros que nos propoñemos cando somos incapaces de alcanzalos por nós mesmos e
precisamos de axuda. Ademais neste álbum saen unha serie de animais onde ao
autor reflicte, a medida que van saíndo, características de cada un deles.
Grazas a estructura acumulativa que contén este álbum axuda aos máis
pequenos/as a desenvolver a conciencia narrativa. Ademais en cada páxina o animal
que vai formar parte da torre de animais aparece na ilustración da páxina
previa, isto permite que o lectorado máis novo adiviñe que animal é o que vén
despois.....
Conta
contos: https://www.youtube.com/watch?v=IfDFgCzVkBs
Ningún comentario:
Publicar un comentario