McKee, David. (2012). Elmer y el abuelo Eldo. Ilust. do autor, trad. Irene Pons. Barcelona: Beascoa. [32 pp.]. (ISBN: 978-84-488-3309-1).
Breve descrición do formato e contido da obra: álbum ilustrado, de tipo narrativo, de tapa dura escrito en lingua castelá. Na cuberta podemos observar aos dous protagonistas da historia, Elmer e Eldo, rodeados de varios paxaros e un coello sobre unha paisaxe colorida. O título da obra está situado enriba dos protagonistas. Deste hai que destacar que tanto o nome do neto como o do avó están escritos en maiúsculas, aínda que o de Elmer está nun tamaño de letra máis grande. Ademais, o nome de Elmer está escrito en cor violeta e o resto do título en amarelo. Finalmente, na cuberta podemos observar tamén o nome do autor, neste caso debaixo dos personaxes. Na contracuberta aparece un resumo da historia, acompañado de outros títulos da serie. Ademais, podemos observar a dous monos, acompañados tamén de varios paxaros, sobre o mesmo fondo da cuberta. As gardas mostran unha paisaxe que representa un bosque no que volven a estar presentes os xa mencionados paxaros. A portada está composta por unha imaxe de Elmer e Eldo, ambos coa cabeza contra unha árbore, e novamente polo título da obra enriba dos personaxes e o nome do autor debaixo. Al ilustracións do libro son moi coloridas e cabe destacar que en todas elas, ou en case todas, se poden observar os paxaros, os coellos e os monos que aparecen na cuberta e na contracuberta.
O conto relátanos unha nova aventura de Elmer, o elefante multicolor. Neste caso, Elmer faille unha visita ao seu avó Eldo para recorrer con el o camiño que facían xuntos cando era pequeno. Ao parecer, o seu avó no recorda nada, nin o camiño, nin os xogos, nin as cancións, nin os contos que lle contaba ao seu neto. Finalmente, resulta que todo é unha broma do avó Eldo, pois como todos saben os elefantes teñen moi boa memoria.
Potencialidades: este conto, que está dirixido a nenos de entre 0 e 5 anos, pode ser moi útil para traballar valores como o amor ou o respecto cara aos nosos avós, esas persoas que nalgunhas ocasións son os encargados de coidar e criar aos nenos, ou que polo contrario son ‘esquecidos’ polas familias. Ademais, este conto invita aos nenos a disfrutar da compañía dos avós mediante textos sencillos, repetitivos, con onomatopeas e cancións.
Recursos:
- Audio conto en inglés de Dramatic StoryTime Theater (2017) https://youtu.be/cK57KEMvK5Q (Consultado o 17/03/2018).
- Audio conto en portugués de Maria Borralho (2018) https://youtu.be/WDFw66acJcs (Consultado o 17/03/2018).
- Outros títulos da serie Elmer de Boolino (2011) https://www.boolino.es/es/libros/coleccion/elmer/ (Consultado o 17/03/2018).
Ningún comentario:
Publicar un comentario