La Vigna, Carmela (2013). ¿Las princesas usan botas de montaña?. Ilust. Mike y Carl Gordon, trad. Ainhoa Pawlowsky. Barcelona: Picarona (Obelisco), [Idade +3 ], [32 pp.].(ISBN: 978-84-9407-458-5)
Breve descrición do formato e contido:álbum ilustrado literario de tipo narrativo, en lingua castelá.
De formato rectangular, tapa dura, está composto por 32 páxinas, todas elas ilustradas e acompañas dun pequeno texto. As cubertas son grosas e de cartoné. Na dianteira aparece o nome da autora e dos ilustradores, ademais do título do conto, acompañado dunha ilustración que fai referencia ao título: a imaxe dunha nena vestida con botas de montaña e o seu can. Na contracuberta aparece de novo o debuxo da nena vestida con botas de montaña pero neste caso parece que está paseando por unha pequena montaña, acompañada de novo do can e ao fondo unha casa e o sol brillar no ceo. Na parte superior atopamos un breve resumo acompañado por unha pequena explicación de en qué se inspirou a autora para escribir este conto, ademais de mencionar a relación dos dous ilustradores. Na parte inferior da contracuberta atopamos o ISBN e a editorial.
Trátase dun conto onde unha nena moderna que se sente identificada cunha princesa que lle vai facendo preguntas continuamente á súa nai, para saber que é o que fan as princesas, se meten os pés nos charcos, se se colgan das árbores, se xogan e se manchan na area, se toman bebidas con sabor a froita etc. A resposta indica que o feito de ser un príncipe ou unha princesa tiña que ver co que se ten no corazón e non con trazos físicos, por iso este conto remata cunha frase que pon “una princesa es un lugar en tú corazón”.
Potencialidades: Este conto baséase na renovación do concepto que se ten das princesas, lonxe de estereotipos (que son bonitas, delicadas, educadas e moi moi femininas), por iso no conto se explica que as princesas poden ser de moitas maneiras, tantas como desexen. Incluso as ilustracións de todo o relato son realizadas con cores neutras, non connotadas.. Esta princesa viste de todas as cores, dende marrón, a azul, a amarelo….Deste modo, as personaxes que forman parte do relato non os clasifica en función do seu xénero. Coa lectura deste conto podemos transmitirlle aos nenos e nenas que cada persoa é diferente, que os personaxes de ficción, entre eles as princesas, polo que se está a propiciar unha maneira de pensamento crítico e igualitario. Desta maneira conseguirase cambiar a mentalidade da sociedade e construír un mundo máis coeducativo.
Recursos:
- Video conto realizado por “Refugio de crianza” beneficios de educar en igualdad https://www.youtube.com/watch?v=7ih63dIvevo Data de consulta 20 de marzo de 2018
- Video reflexivo sobre as princesas relizado por “Ana Rivas”https://www.youtube.com/watch?v=vWbstn_Gr74 Data de consulta 20 de marzo 2018
- Video conto realizado por “CEIP Las Lomas-Aguilas”https://www.youtube.com/watch?v=JQGsl7VzAUw Data de consulta 20 de marzo 2018
Ningún comentario:
Publicar un comentario