Un papá a la medida

Cali, Davide (2005). Un papá a la medida. Ilustr. Anna Laura Cantone. Zaragoza: Edelvives, [30 pp.]. (ISBN: 84-263-5485-3).

Breve descrición do formato e do contido da obra: álbum ilustrado de formato cadrado, con tapa dura e unhas dimensións de 19,2x14,0 cm. En todo o libro as cores son diversas, destacando o roxo do abrigo da nai por encima de calquera imaxe. As ilustracións son de tamaño grande, ocupando todo o marco nunha mesma páxina e intercambiando a posición: nalgunhas aparecen en vertical e noutras en horizontal, favorecendo a manipulación e captando a atención das crianzas. As imaxes son suxestivas, xa que ao longo do conto, en cada acción, o personaxe expresa sentimentos como na vida real, presentándose con diferentes formas orixinais. Na cuberta anticípanos o contido da historia, tanto pola ilustración coma polo título da obra. Podemos observar a diferenza de tamaños dos personaxes: hai unha nena agarrada ás costas do pai ou nai, xa que só se amosa ata o pescozo e non se ve o rostro, e un gato que ten un rabo moi longo que chega ata a contracuberta. Na  garda principal adiántase información sobre as protagonistas e na final vemos a protagonista co seu novo pai.

A protagonista da historia ten unha nai que para ela é a mellor nai de todas, a máis guapa, lista, deportista, forte, pero non ten un pai, polo que decide buscar un papá pero ten que ser máis forte, grande, guapo, intelixente…Puxeron un anuncio para encontralo coas condicións desexadas e ao final acabaron encontrando un que non cumpría ningunha das súas expectativas pero que lles gustaba porque era diferente aos outros papás, contaba poemas, cociñaba e era moi bo. 

Potencialidades educativas: con esta obra podemos traballar cos nenos/as que cada pai e nai son diferentes e que non todos/as teñen que ser iguais pero si que todos/as son os/as mellores. Utilizalo para que cada crianza saque o mellor de cada un e aumentar a autoestima. Preguntarlle aos nenos/as como é para eles un papá e unha mamá ideal, deixando que desenvolvan  a súa imaxinación. E tamén que significan para eles, fomentando a afectividade familiar. Por último, é unha obra que se presta para abordar os diferentes tipos de familia e a diversidade.

Recursos de interese:

Martínez, Trinidad (2012). Un papá a la medida. En Enseñando y aprendiendohttp://mariposasdecoloresamalia.blogspot.com.es/2012/03/un-papa-la-medida.html (consultado 10/03/2018).

Martínez, Maribel (2012). Un papá a la medida. En Caricias en cuentoshttp://cariciasencuentos.blogspot.com.es/2012/05/un-papa-la-medida.html (consultado 10/03/2018).

Luís (2017). Un papá a la medida. En Soñando cuentoshttp://sonandocuentos.blogspot.com.es/2011/01/un-papa-la-medida.html (consultado 12/03/2018).

Merimimi (2011). Un papá a la medida. En SlideSharehttps://es.slideshare.net/Merimimi/un-pap-a-la-medida (consultado 12/03/2018).

Reyes Toral, Alberto (2015). Un papá a la medida. En youtubehttps://www.youtube.com/watch?v=UAnrW4KhgtE&list=PLTFsKrUIfCatHR4fnwzptVu9BW60dTaH9 (consultado 12/03/2018).

Filipe, María Joao (2010). Un papá a la medida. En youtubehttps://www.youtube.com/watch?v=Qat_TVaL14U (consultado 12/03/2018).