Las arrugas de la abuela

Ciraolo, S. (2016). Las arrugas de la abuela. Ilustr. Simona Ciraolo, t. Anna Llisterri. Valencia: Andana Editorial, col. Álbum Locomotora, [40 pp]. (ISBN: 978-84-16394-42-5).

Breve descrición do formato e contido: Las arrugas de la abuela é un álbum ilustrado de tapa dura, publicado pola editorial Andana, dentro da colección “Álbum locomotora” no ano 2016.

Na cuberta atopamos a imaxe dunha avoa e unha neta abrazadas e compartindo miradas, rodeadas dun ambiente natural e moi floral, xa que a historia se conta dende o seu invernadoiro. Ao abrir o libro encontrámonos coas gardas, onde recollen a vida da avoa e figuras que adiantan a historia que esconde. A portada acolle unhas agullas, que tamén están en  relación co momento no que avoa cose para a súa irmá. As páxinas están encoladas, a letra ten un tamaño adecuado que permite ler a unha certa distancia , son de cor negra e situadas en cada páxina na maioría do conto. As imaxes son realistas e ocupan dúas follas, utilizan cores cálidas e vivas que axudan a crear un ambiente familiar e afectivo, ademáis de situar  ao lector en cada momento concreto que se describe. As ilustracións teñen detalles que o texto non describe, por exemplo a noite na que a avoa coñeceu ao avó ou o final da obra. Son imaxes moi expresivas, que falan por si soas, sen precisar do  texto e favorecendo que sexa o lector quen descifre o momento e contido de cada escena. Polo tanto, a figuración complementa o texto e ambos os dous gardan relación e coherencia, facendo que o fío da historia teña sentido. A linguaxe é sinxela, utiliza oracións simples e doadas que suscitan a imaxinación e recreación do conto por parte dos pequenos. Aparece a alegría fronte á tristeza, sorpresa e medo, amor e despedida.

Na historia aparecen dúas protaginistas: a avoa e a súa neta. A neta curiosa pregunta sobre as engurras da avoa, e aí comeza a asociar un motivo a cada unha delas en función da expresión facial. Por exemplo as da fronte son producidas pola sorpresa e as da boca pola felicidade ao sorrir. As personaxes secundarias son o resto da familia. Desta obra tamén hai unha edición en lingua catalá. 

Potencialidades educativas: É un conto moi acaído para traballar as emocións, a afectividade e a empatía cos maoires. A lectura está recomendada para nenos/as de 3 anos en adiante. É unha obra cunha gran carga sentimental, polo que sería moi adecuado para presentar no momento en que se fale da familia, para celebrar o día do avó/avoa ou para facer ver o que sería unha boa relación fraternal. 

Recursos de interese: 

- Eva (2017). “Pekeleke”. Consultado 28/02/2018. http://pekeleke.es/libros/las-arrugas-la-abuela-simona-ciraolo/

- Mamá y Naiara (2017). "Mamá y Naiara". Consultado 28/02/2018. https://www.youtube.com/watch?v=b6CglVnleTo