Un conto de cegoñas

Ventura, Antonio (2009). Un conto de cegoñas, ilust. Rui fernández, trad. Francisco Castro,Vigo: Galaxia, (0-6 anos), [32 pp.]. (ISBN:978-84-9865-181-2).

Descrición do formato e contido da obra: álbum ilustrado de formato rectangular (31x27 cm) e tapa dura. Na cuberta observamos, sobre un fondo de cor gris, no medio o título do conto (Un conto de cegoñas), co autor e a ilustradora debaixo. Na parte superior hai unha cegoña, outra na parte inferior e na esquerda de todo un niño, enriba dunha montaña. A contracuberta  é de cor vermella e aparece no medio un breve resumo do contido do libro. Nas gardas parece a Torre Eiffel (París), que representa a lenda de onde veñen as crianzas polas cegoñas. No interior do libro as páxinas son grosas e as ilustración son orixinais, con cores variadas e os debuxos son con técnica de acuarela. O textos son sinxelos, breves e de cor negra, situados nas páxinas pares e impares. Algúns aparecen na parte superior e outros na parte inferior.

A historia recrea unha reflexión lírica de marcado ton lírico a través das conversas e as reflexións dunha familia de cegoñas que, como di o tópico, están a prepararse para facer a súa viaxe a París, a que fan todas as cegoñas para traer os nenos e as nenas. ¿Ou non acontecen realmente así as cousas?.

Potencialidades: atopámonos ante unha obra que trata diferentes temas de interese (amor, familia, animais etc), coa a cal os nenos e nenas poden interaccionar. As actividades que podemos realizar coa lectura é facer unha pequena asemblea,  preguntándo aos cativos e cativas ao principio se saben de que pode tratar este libro e ao acabar facer preguntas sobre el. Logo pódese facer unha pequena obra de teatro, a cal poden dar vida ás cegoñas protagonistas do conto e tamén encargaranse de facer a vestimenta. Pódese explicar a lenda da Torre Eiffel (París), que representa de onde veñen as crianzas polas cegoñas. Traballar o emprego e aprendizaxe da nosa lingua, o galego. Estas son moitas das actividades que se poden realizar con este conto.

Recursos de interese: 
·Galaxia (2009). "Un conto de cegoñas". Recuperado de: http://editorialgalaxia.gal/un-conto-de-cegonas/ (Consultado o 6/ 02/2018). 
·Rosalía, C. (2013). A historia de antela contada por unha cegoña. Recuperado de: http://www.sghn.org/Seccion_Antela/Presentacion_CEIP_Rosalia_2013-02-01.html (Consultado o 6/ 02/2018).